Psaumes 94

Jusques à quand les méchants triompheront-ils

Tayta Dios, gammi caycanqui juez cay pachachöga. Arriglayna ari. Juchayoj cajtaga castigay. ¡Alli-tucojcunataga rurashanman-tupu ayñita cutichiy! ²Tayta Dios, ¿imaycamaraj cushicurcaycanga fiyucunaga? ³¿Imaycamaraj paycunaga alli-tucurcaycanga? ¿Imaycamaraj alabacurcaycanga?

⁴Tayta Dios, paycunami acrashayqui runacunata illgächin. Sirbishojniquicunatapis pengayman churan. ⁵Biyüdacunata, wañuchin. Wacchacunata yarpaypa wañuchin. Juc-lä runacunatana ñacachin. ⁶Paycunaga nin: «Jacob rispitashan Diosga manami cuentata gocunchu. Manami ricamanchïpischu.»

⁷Mana tantiyacoj upa runacuna, ¿imanirtaj mana tantiyacunquichu? ¿Imaytaj tantiyacunquicuna? ⁸Tayta Diosmi rurasha ñawinchïta rinrinchïtapis. Chauraga ¿imanirtaj mana wiyanmanchu, mana ricanmanchu? ⁹Nasyuncunacho tiyajcunatapis alli rurananpaj piñacuycarga mana wiyacojcunataga ¿manachuraj castiganga? ¿Imanirtaj mana musyanmanchu runatapis yachacunanpaj tantiyachëga?

¹⁰Tayta Diosga musyanmi runa manacajcunallata yarpashancunata. ¹¹Tayta Dios, cushishami cawanga imano cawananpäpis piñacushayqui runaga. Cushishami cawanga Layniquita yachachishayqui runaga. ¹²Chay runaga manami imatapis gocongachu fiyupa mana allicuna chayaptinpis. Fiyucunami ichanga sepultüraman chayanga.

¹³Tayta Diosga manami cachaycongachu acrashan runacunata. Sirbejnincunata japallantaga manami cachaycongachu. ¹⁴Ushanantaga Tayta Dios munashannönami llapantapis arriglanga. Alli runacunapis «chayno allimi» nenga. ¹⁵¿Pillaraj shamonga mana alli runacunapitawan fiyucunapita washämänanpaj?

¹⁶Tayta Dios mana yanapämaptenga maynami wañur chunyaraycäman caran. ¹⁷Juc cutichömi gamta ruwacurä: «Chaquïcuna llushcacaycannami» nir. Chauraga cuyacoj cashpayquimi yanapämarayqui. ¹⁸Fiyupa ima-aycapitapis yarpachacur llaquicuycho caycaptëmi gamga shacyächimashpayqui cushicachimanqui.

¹⁹Mana alli arriglaj juezcunapa amïgonga ama canquimanchu. Paycunaga mana allimi arriglan. Laynincunacho niycashanwanmi runacunata ñacachin. ²⁰Paycunaga alli runacunapa contranmi parlacun. Juchan mana caycaptinmi wañuchinanpaj aunin. ²¹Chayno caycaptinpis Tayta Diosmi nogacunapa pacacunä. Diosllami caycan imapitapis chapämaj gagaga.

²²Fiyucunataga Tayta Diosmi castiganga mana allita rurashanpita. Tayta Diosninchïmi illgarachenga.