Psaumes 41

Heureux celui qui s'intéresse au pauvre

Kumqondisi wokuhlabela. Ihubo likaDavida. Ubusisiwe lowo onanza abahluphekayo; uThixo uyamkhulula ngezikhathi zokuhlupheka. ²UThixo uzamvikela alondoloze impilo yakhe; uzambusisa phakathi kwelizwe akasoze amnikele emandleni ezitha zakhe. ³UThixo uzamqinisa lanxa elele egula njalo amsilise avuke ekuguleni kwakhe.

⁴Ngathi, “Oh Thixo ake ungihawukele; ngisilisa, ngoba ngonile kuwe.” ⁵Izitha zami ziyangigcona zithi, “Uzakufa nini licitshe ibizo lakhe?” ⁶Nxa omunye wabo efika ezongibona, ukhuluma kuhle angikhohlise, kodwa enhliziyweni yakhe egaya izibozi; athi angaphuma ahambe esekhihliza ebantwini.

⁷Bonke abangizondayo banyenyezelana ngami; bangicabangela wonke amanyala besithi, ⁸“Usengenwe ngumkhuhlane omubi; kasoze asile avuke futhi.” ⁹Lomngane wami osekhwapheni, ebengimthembile, lowo obesidla lami isinkwa usengihlamukele.

¹⁰Kodwa wena, Oh Thixo ake ungihawukele; ake ungivuse ukuze ngibakhawulise. ¹¹Ngiyazi ukuthi uyathokoza ngami, ngoba isitha sami kasingehluli. ¹²Ubuqotho bami busekelwa nguwe njalo ungimisa phambi kwakho nini lanini.

¹³Udumo alube kuye uThixo, uNkulunkulu ka-Israyeli, kusukela nininini kuze kube nininini.