Genèse 10

Les nations se répandent

Ma e nonro mar Shem, Ham kod Jafeth ma yawuot Nowa ma bende nonywolo yawuowi bangʼ ataro mangʼongo. ²Yawuot Jafeth ne gin: Gomer, Magog, Madai, Javan, Tubal, Meshek kod Tiras. ³Yawuot Gomer ne gin: Ashkenaz, Rifath, kod Togarma.

⁴Yawuot Javan ne gin: Elisha, Tarshish, jo-Kitim kod jo-Rodan. ⁵(Kuomgi ema ogendini modak e dho nembe nowuokie kadhi e pinjegi, dhoot ka dhoot, e pinjegi ka moro ka moro wacho dhogi.) ⁶Yawuot Ham ne gin: Kush, Mizraim, Put kod Kanaan.

⁷Yawuot Kush ne gin: Seba, Havila, Sabta, Rama kod Sabteka. Yawuot Rama ne gin: Sheba kod Dedan. ⁸Kush ne en wuon Nimrod, mane en jalweny maratego e piny. ⁹Ne en jadwar maratego e nyim Jehova Nyasaye. Mano ema omiyo iwacho “Jadwar maratego e nyim Jehova Nyasaye ka Nimrod.” ¹⁰Pinje mokwongo mag pinyruodhe ne gin Babulon, Erek, Akad kod Kalne e piny Shinar.

¹¹Nowuok kuno modhi e piny Asuria kuma nogeroe Nineve, Rehoboth-Ir, gi Kala, ¹²kod Resen, dala maduongʼ, man e kind Nineve kod Kala. ¹³Mizraim ne en wuon jo-Lud, jo-Anam, jo-Lehab, jo-Naftu, ¹⁴Jo-Pathrus, jo-Kaslu (ma jo-Filistia nowuok kuomgi) kod jo-Kaftor.

¹⁵Kanaan nonywolo Sidon wuode makayo kendo jo-Hiti, ¹⁶jo-Jebus, jo-Amor, jo-Girgash, ¹⁷jo-Hivi, jo-Arki, jo-Sini, ¹⁸jo-Arvad, jo-Zemar kod jo-Hamath. (Bangʼe anywola mar jo-Kanaan noke e piny, ¹⁹kendo tongʼ piny mar Kanaan nochakore Sidon kadhi Gerar nyaka Gaza kendo kadhi Sodom, Gomora, Adma kod Zeboim nyaka Lasha.)

²⁰Magi e yawuot Ham kuom dhoutgi, kod dhogi e pinjegi kod ogandagi. ²¹Shem mane owadgi Jafeth matin ma bende en kwar jo-Eber bende nonywolo yawuowi. ²²Shem nonywolo: Elam, Ashur, Arfaksad, Lud kod Aram.

²³Aram nonywolo: Uz, Hul, Gether kod Meshek. ²⁴Arfaksad nonywolo Shela, to Shela nonywolo Eber. ²⁵Eber nonywolo yawuowi ariyo: Achiel nochak ni Peleg, nikech e ndalono ema nopogie piny; owadgi to ne nyinge Joktan.

²⁶Joktan nonywolo: Almodad, Shelef, Hazarmaveth, gi Jera, ²⁷Hadoram, Uzal, Dikla, ²⁸Obal, Abimael, gi Sheba ²⁹Ofir, Havila kod Jobab. Jogo duto ne gin yawuot Joktan.

³⁰(Pinygi mane gi dakie nochakore Mesha kochomo Sefar e gode man yo wuok chiengʼ.) ³¹Magi e yawuot Shem kuom dhoutgi ka moro ka moro wacho dhogi giwegi. ³²Magi e yawuot Nowa kaluwore gi anywolagi e pinjegi. Kuomgi ema ogendini mopogore opogore nochakore bangʼ ataro.