Psaumes 138

Tu m'as répondu le jour où j'ai crié

¹दाऊद के गीत। हे यहोवा, मेंह अपन पूरा मन से तोर परसंसा करहूं; देवतामन के आघू म मेंह तोर परसंसा के गीत गाहूं। ²तोर बहुंत मया अऊ तोर बिसवासयोग्यता के कारन मेंह तोर पबितर मंदिर कोति मुड़ नवाहूं अऊ तोर नांव के परसंसा करहूं, काबरकि तेंह अपन पबितर बचन ला अऊ अपन महिमा ला सबले ऊपर करे हस। ³जब मेंह तोला पुकारेंव, त तेंह मोर पराथना के उत्तर देय; तेंह मोला बहुंत हिम्मत दे हस। ⁴हे यहोवा, जब धरती के जम्मो राजामन तोर बचन ला सुनंय, त ओमन तोर परसंसा करंय। ⁵ओमन यहोवा के बिधिमन के गीत गावंय, काबरकि यहोवा के महिमा ह महान ए। ⁶हालाकि यहोवा के दरजा बहुंत ऊपर हे, पर ओह नम्र मनखेमन ऊपर दया देखाथे; हालाकि ओह बहुंत ऊंचहा हे, पर ओह ओमन ला दूरिहा ले देखथे। ⁷हालाकि मेंह समस्या म ले होके जाथंव, पर तेंह मोर जिनगी ला बनाय रखथस। तेंह मोर बईरीमन के कोरोध के बिरूध अपन हांथ बढ़ाथस; अपन जेवनी हांथ के दुवारा तेंह मोला बचाथस। ⁸यहोवा ह मोर रकछा करही, हे यहोवा, तोर मया ह हमेसा बर बने रहिथे— अपन हांथ के काममन ला झन तियाग दे।