Luc 3

Jean-Baptiste prépare le chemin

Human molabay ang pipila ka tuig, adunay gisulti ang Dios kang Juan nga anak ni Zacarias didto sa kamingawan. Kini nahitabo sa ika-15 ka tuig sa pagdumala ni Tiberio nga Emperador sa Roma. Niining tuiga usab, si Poncio Pilato ang gobernador sa Judea, ug si Herodes ang pangulo sa Galilea. Si Felipe nga igsoon ni Herodes ang pangulo sa Iturea ug Traconite; ug si Lisanias ang pangulo sa Abilene. Si Anas ug si Caifas ang mga pangulong pari. ²Tungod sa gisulti sa Dios kang Juan, miadto siya sa mga dapit nga duol sa Suba sa Jordan ug nagwali. Miingon siya sa mga tawo, “Paghinulsol kamo sa inyong mga sala, ug magpabautismo aron pasayloon kamo sa Dios.” ³Pinaagi niining iyang gihimo natuman ang gisulat ni Propeta Isaias: “Adunay tigbalita nga nagsinggit sa kamingawan, ‘Andama ninyo ang agianan alang sa Ginoo. Tul-ira ang dalan nga iyang paga-agian!

⁴Ang tanang libaong tambakan, ug ang tanang bukid ug bungtod patagon. Ang nagliko-likong dalan tul-iron. Ug ang mga libaongon ug batoon nga dalan ayohon. ⁵Ug makita sa tanang mga tawo kon unsa ang himuon sa Dios sa pagluwas kanila.’ ” ⁶Daghan ang mga tawo nga miadto kang Juan aron magpabautismo. Miingon si Juan kanila, “Kamong mga kaliwat sa mga bitin! Kinsa ang nag-ingon kaninyo nga makalingkawas kamo gikan sa silot sa Dios nga hapit na moabot?

⁷Kon tinuod nga naghinulsol na kamo sa inyong mga sala, pamatud-i ninyo kini pinaagi sa inyong mga binuhatan. Ayaw kamo pag-ingon nga dili kamo silotan tungod kay mga kaliwat kamo ni Abraham. Kay bisan gani kining mga bato mahimong himuon sa Dios nga mga anak ni Abraham. ⁸Timan-i ninyo kini: ang atsa andam na aron iputol sa punoan sa mga kahoy. Ang matag kahoy nga wala mamunga ug maayong bunga putlon ug ilabay sa kalayo.” ⁹Nangutana ang mga tawo kang Juan, “Unsa man diay ang among himuon?” ¹⁰Mitubag si Juan, “Kon kinsa kaninyo ang adunay duha ka bisti ihatag ang usa sa walay bisti. Ug kon kinsa kaninyo ang adunay pagkaon, hatagi kadtong walay pagkaon.” ¹¹Adunay mga maniningil ug buhis nga miadto usab kang Juan aron magpabautismo. Miingon sila kang Juan, “Magtutudlo, unsa may angay namong himuon?” ¹²Mitubag si Juan, “Kon maningil kamo ug buhis, ayaw kamo paningil ug sobra sa gipasingil kaninyo.” ¹³Adunay mga sundalo usab nga nangutana, miingon sila, “Unya, kami, unsa adunay among himuon?” Mitubag si Juan kanila, “Ayaw kamo pagpanghulga o pagpamutangbutang aron makapanguwarta. Kinahanglan nga makontento kamo sa inyong suhol.” ¹⁴Pagkadungog sa mga tawo sa mga pagpanudlo ni Juan, naghuna-huna sila nga tingali si Juan mao na ang Mesiyas nga ilang gipaabot.

¹⁵Apan miingon si Juan kanila, “Ako nagbautismo kaninyo sa tubig, apan adunay moabot nga mas gamhanan pa kay kanako. Ug dili gani ako takos nga mahimong iyang sulugoon. Siya magbautismo kaninyo sa Espiritu Santo ug sa kalayo. ¹⁶Sama siya sa tawo nga nagpalid sa iyang giani aron ilain ang timgas gikan sa uhot. Ang timgas ibutang niya sa bodega apan ang uhot sunogon niya sa kalayo nga dili gayod mapalong.” ¹⁷Daghan pang mga butang sa pagpangdasig ang gitudlo ni Juan sa iyang pagwali sa Maayong Balita ngadto sa mga tawo.

¹⁸Bisan gani si Herodes nga pangulo sa Galilea gibadlong ni Juan tungod kay gihimo niyang asawa ang iyang bilas nga si Herodias ug tungod sa daghan pang mga daotan nga iyang gihimo. ¹⁹Ug sa kaulahian nadugangan pa gayod ang sala ni Herodes tungod sa iyang pagpapriso kang Juan. ²⁰Usa ka adlaw, human mabautismohi ni Juan ang mga tawo, si Jesus nagpabautismo usab. Samtang nag-ampo si Jesus, naabli ang langit

Jésus est baptisé

²¹ug mikunsad kaniya ang Espiritu Santo nga samag dagway sa salampati. Unya adunay tingog nga nadungog gikan sa langit nga nag-ingon, “Ikaw ang akong pinalanggang Anak. Nalipay gayod ako kanimo.” ²²Mga 30 na ang edad ni Jesus sa dihang nagsugod siya sa iyang buluhaton. Sa huna-huna sa mga tawo, anak siya ni Jose nga anak ni Eli.

De Jésus jusqu'à Adam

²³Si Eli anak ni Matat, si Matat anak ni Levi. Si Levi anak ni Melki, si Melki anak ni Janai. Si Janai anak ni Jose, ²⁴si Jose anak ni Matatias. Si Matatias anak ni Amos, si Amos anak ni Nahum. Si Nahum anak ni Esli, si Esli anak ni Nagai. ²⁵Si Nagai anak ni Maat, si Maat anak ni Matatias. Si Matatias anak ni Semein, si Semein anak ni Josec. Si Josec anak ni Juda, ²⁶si Juda anak ni Joanan. Si Joanan anak ni Resa, si Resa anak ni Zerubabel. Si Zerubabel anak ni Sealtiel, si Sealtiel anak ni Neri.

²⁷Si Neri anak ni Melki, si Melki anak ni Adi. Si Adi anak ni Cosam, si Cosam anak ni Elmadam. Si Elmadam anak ni Er, ²⁸si Er anak ni Josue. Si Josue anak ni Eliezer, si Eliezer anak ni Jorim. Si Jorim anak ni Matat, si Matat anak ni Levi. ²⁹Si Levi anak ni Simeon, si Simeon anak ni Juda. Si Juda anak ni Jose, si Jose anak ni Jonam. Si Jonam anak ni Eliakim, ³⁰si Eliakim anak ni Melea. Si Melea anak ni Mena, si Mena anak ni Matata. Si Matata anak ni Natan, si Natan anak ni David.

³¹Si David anak ni Jesse, si Jesse anak ni Obed. Si Obed anak ni Boaz, si Boaz anak ni Salmone. Si Salmone anak ni Naason, ³²si Naason anak ni Aminadab. Si Aminadab anak ni Admin, si Admin anak ni Arni. Si Arni anak ni Hezron, si Hezron anak ni Perez. Si Perez anak ni Juda, ³³si Juda anak ni Jacob. Si Jacob anak ni Isaac, si Isaac anak ni Abraham. Si Abraham anak ni Tera, si Tera anak ni Nahor.

³⁴Si Nahor anak ni Serug, si Serug anak ni Reu. Si Reu anak ni Peleg, si Peleg anak ni Eber. Si Eber anak ni Shela, ³⁵si Shela anak ni Cainan. Si Cainan anak ni Arfaxad, si Arfaxad anak ni Sem. Si Sem anak ni Noe, si Noe anak ni Lamec. ³⁶Si Lamec anak ni Metusela, si Metusela anak ni Enoc. Si Enoc anak ni Jared, si Jared anak ni Mahalalel. Si Mahalalel anak ni Kenan, ³⁷si Kenan anak ni Enos. Si Enos anak ni Set, si Set anak ni Adan. Si Adan anak sa Dios.