Psaumes 64
Cache-moi contre les complots des méchants
1༼དབུ་མཛད་ལ་སྤྲད་པའི་དཱ་བིད་ཀྱི་མགུར༌མ།༽ ཀྱེ་ཀྱེ་དཀོན་མཆོག་སྡུག་ཡུས་འདོན་དུས༌སུ། །ཁྱེད་ཀྱིས་བདག་གི་སྐད་ལ་གསན་པར༌མཛོད། །ངའི་སྲོག་དགྲ་ཡི་འཇིགས་སྐུལ་ལས་བསྲུང༌རོགས།། 2དོན་ངན་སྤྱོད་མཁན་རྣམས་ཀྱི་ལྐོག་གྲོས༌དང༌། །ཉེས་པ་གསོག་མཁན་རྣམས་ཀྱི་ཟིང་ཆ༌ལས། །ཁྱེད་ཀྱིས་ང་རང་ཡིབ་ཅིང་བསྐྱབ་ཏུ༌གསོལ།། 3དེ་ཚོས་ལྕེ་ནི་རལ་གྲི་བཞིན་བརྡར༌ཞིང༌། །ཚིག་རྩུབ་མདའ་མོ་རྣོན་པོ་བཞིན་དུ༌འཕེན།། 4ཉེས་མེད་རྣམས་ལ་ལྐོག་ནས་མདའ་འཕེན༌ཞིང༌། །འཇིགས་སྣང་མེད་པར་གློ་བུར་མདའ་ཡིས༌རྒྱག། 5ཕན་ཚུན་སྙིང་ཕུར་རྡེབ་ཅིང་ཇུས་ངན༌འགོད། །ལྐོག་ཏུ་རྙི་རྒྱ་འཛུགས་པར་གྲོས་བྱས༌ནས། །སུ་ཡིས་འདི་རྣམས་མཐོང་བར་འགྱུར་ཞེས༌སྨྲ།། 6དེ་ཚོས་གཡོ་སྒྱུའི་སྦྱོར་བ་སྤེལ་ནས༌ནི། །ང་ཚོས་ཇུས་ལེགས་དཔེ་མེད་བཤམས་ཡོད༌སྨྲ། །མི་ཡི་སེམས་དང་བསམ་པ་གཏིང་མི༌ལོན།། 7འོན་ཀྱང་དཀོན་མཆོག་དེ་ཚོར་མདའ་འཕེན༌ཞིང༌། །ཁོ་རྣམས་གློ་བུར་ཉིད་དུ་རྨས་པར༌འགྱུར།། 8རང་རང་ལྕེ་ཡིས་དེ་རྣམས་འཕུང་བར༌བྱ། །ཚུལ་དེ་མཐོང་བའི་མི་རྣམས་མགོ་བོ༌གཡུག།
9འཇིག་རྟེན་མི་བུ་ཐམས་ཅད་འཇིགས་པ༌དང༌། །དཀོན་མཆོག་ཁོང་གི་འཕྲིན་ལས་བསྒྲགས་ནས༌ནི། །ཁོང་གི་མཛད་པར་བསམ་བློ་ཞིབ་ཏུ༌གཏོང༌།། 10དྲང་བདེན་མི་རྣམས་ཡ་ཝཱེའི་ནང་དགའ་ཞིང་། །ཁོང་ལ་བློ་གདེང་བསྐྱེད་པར་གྱུར་ཅིག༌གུ །གཞུང་དྲང་རྣམས་ཀྱིས་ངོམ་སོ་སྟོན་པར༌ཤོག།