Psaumes 3

Beaucoup se lèvent contre moi

Jehovah ô, akory izato hamaroan’ ny mampahory ahy! Maro no mitsangana hanohitra ahy. ²Maro no milaza ny fanahiko hoe: tsy manam-pamonjena amin’ Andriamanitra izy. [Sela.] ³Kanjo Hianao, Jehovah ô, no ampinga manodidina ahy, Voninahitro sy mpanandratra ny lohako.

⁴Amin’ ny feoko no iantsoako an’ i Jehovah, ary any an-tendrombohiny masìna no mamaly ahy Izy. ⁵Izaho nandry ka natory; nifoha aho, satria Jehovah no manohana ahy. [Sela.] ⁶Tsy hatahotra olona alinalina aho, izay milahatra manodidina hamely ahy.

⁷Mitsangàna, Jehovah ô; vonjeo aho, Andriamanitro ô; fa efa namely ny takolaky ny fahavaloko rehetra Hianao; ny nifin’ ny ratsy fanahy novakivakinao. ⁸An’ i Jehovah ny famonjena; Ho amin’ ny olonao anie ny fitahianao . [Sela.]