Marc 3

L'homme à la main desséchée

Li te antre ankò nan sinagòg la, epi yon nonm te la avèk yon men sèch. ²Yo t ap veye L pou wè si Li t ap geri li nan Saba a pou yo ta kapab akize Li. ³Li te di nonm avèk men sèch la: “Leve vin devan!” ⁴Li te di yo: “Èske li pèmi nan Saba a pou fè byen, oubyen pou fè mal, pou sove yon vi, oubyen pou touye”? Men yo te rete an silans.

⁵Lè L fin gade toupatou, byen fache, byen blese akoz kè di yo, Li te di a nonm nan: “Lonje men ou”. Li te lonje l, e men li te geri. ⁶Imedyatman, Farizyen yo te ale deyò pou fè konplo kont Li avèk Ewodyen yo pou wè kijan yo ta kapab detwi Li.

La foule au bord de la mer

⁷Jésus te retire kò l bò kote lanmè a ansanm avèk disip Li yo. Yon gran foul ki sòti Galilée t ap swiv li, ansanm avèk moun peyi Judée yo, ⁸avèk Jérusalem, Idumée ak lòtbò Jourdain an ak landwa Tyr avèk Sidon. Yon gwo foul moun ki te tande tout sa Li t ap fè, te vin kote Li. ⁹Li te di disip Li yo ke yon kannòt ta dwe prepare pou Li, akoz gran foul la, pou yo pa peze L twòp.

¹⁰Paske Li te geri anpil moun, e kon rezilta, tout sa ki te aflije yo t ap peze L pou yo ta kapab touche L. ¹¹E nenpòt lè ke move lespri yo te wè L, yo t ap tonbe devan Li, kriye fò e di: “Ou se Fis Bondye a!” ¹²Konsa, Li te reponn yo avèk severite pou yo pa di ki moun li te ye.

Le choix des douze

¹³Li te monte sou mòn nan, pou L te rele sila ke Li menm te vle yo, e yo te vin kote Li. ¹⁴Li te dezinye douz yo, pou yo ta kapab avè L, e pou Li ta kapab voye yo deyò pou preche, ¹⁵e pou yo ta kab gen otorite pou chase move lespri yo: ¹⁶Simon, ki rele Pierre, ¹⁷Jacques, fis Zébédée a, avèk Jean, frè a Jacques, (a li menm Li te bay non Boanergès ki vle di Fis a tonnè yo); ¹⁸André, ak Philippe, ak Barthélemy, ak Matthieu, ak Thomas, ak Jacques, fis Alphée a, ak Thaddée, e Simon, Zelòt la; ¹⁹ansanm avèk Judas Iscariot, sila ki te trayi Jésus a.

Jésus et Béelzébul

²⁰Apre, Li te retounen lakay Li, e foul la te rasanble ankò jiskaske yo pa t kab menm manje yon repa. ²¹Lè pwòp fanmi pa Li te tande sa, yo te ale deyò pou pran chaj Li, paske yo t ap di: “Li gen tan pèdi bon tèt Li”. ²²Konsa, skrib ki te sòti Jérusalem yo t ap di: “Se Béelzébul menm ki pran L. Li chase move lespri yo pa mèt move lespri yo”.

²³Li te rele yo a Li menm, e te kòmanse pale ak yo an parabòl: “Kijan Satan kapab chase Satan mete l deyò? ²⁴Si yon wayòm divize kont tèt li, wayòm sa a p ap kapab kanpe. ²⁵Si yon kay divize kont tèt li, kay sa a p ap kab kanpe.

²⁶Si Satan fin leve kont tèt li, epi li divize, li p ap kab kanpe, men li fini! ²⁷“Men pèsòn p ap kapab antre lakay a yon nonm fò, e piyaje byen li, sof ke premyèman li mare mesye fò a; e apre sa, l ap piyaje kay li.

Le péché sans pardon

²⁸“Anverite, Mwen di nou tout peche fis a lòm yo ap padone, e menm nenpòt blasfèm yo fè; ²⁹men nenpòt moun ki blasfeme kont Lespri Sen an p ap janm gen padon, men yo va rete koupab de yon peche etènèl.” ³⁰Paske yo t ap di ke “Li gen yon move lespri”.

La vraie famille de Jésus

³¹Alò, manman Li, avèk frè Li yo te rive kanpe deyò a, yo te voye kote Li e te rele Li. ³²Yon foul te chita toupatou antoure L, e yo te di Li: “Gade, manman Ou avèk frè Ou yo ap chèche Ou deyò a”. ³³Li te reponn yo e te di: “Kilès ki manman M ak frè M?” ³⁴Li te gade toupatou sou sila ki te chita antoure Li yo e Li te di: “Gade, men manman M avèk frè M yo!

³⁵Paske sila ki fè volonte a Papa M yo, se yo menm ki frè M, sè M, ak manman M”.