3 Jean 1

Une salutation de l'ancien

Lansyen an k ap ekri a byeneme a, Gaïus, ke mwen renmen an verite. ²Byeneme a, mwen priye nan tout aspè ke afè ou mache byen, epi ke ou toujou an bòn sante, menm jan ke nanm ou an bòn sante a. ³Paske mwen te tèlman kontan lè frè yo te vin pote temwayaj a verite ou, ki jan ou mache nan laverite a.

⁴Mwen pa gen pi gran jwa ke sa, pou tande koze a pitit mwen yo k ap mache nan laverite a.

Gaïus et son hospitalité

⁵Byeneme, ou ap aji fidèlman nan tout sa ou acheve pou frè yo, sitou lè se moun ou pa rekonèt yo. ⁶Yo pote temwayaj lanmou ou devan legliz la. Konsa, ou va fè byen pou voye yo sou wout yo nan yon jan ki gen merit devan Bondye. ⁷Paske yo te sòti pou kòz a Non an, san aksepte anyen nan men etranje yo.

⁸Nou dwe bay soutyen a moun tankou sa yo, pou nou kapab ouvriye parèy a yo nan laverite a.

Diotrèphe et Démétrius

⁹Mwen te ekri yon bagay a legliz la, men Diotrèphe ki renmen premye pami tout, pa aksepte sa nou te pale a. ¹⁰Pou rezon sa, mwen va atire atansyon a zak sa yo ke li fè, lè l akize nou san jistis avèk pawòl yo ki mechan. Pa menm satisfè avèk sa li refize resevwa frè yo, epi li refize sa yo ki ta vle fè sa, epi mete yo deyò legliz la. ¹¹Zanmi mwen yo pa imite sa ki mechan, men sa ki bon. Sila ki fè byen a Bondye. Sa ki fè mal pa janm te wè Bondye.

¹²Démétrius te resevwa yon bon temwayaj a tout moun, epi osi selon menm laverite a; epi nou mete temwayaj nou sou sa, epi ou konnen ke temwayaj nou vrè.

J'espère te voir bientôt

¹³Mwen te gen anpil bagay pou ekri nou, men mwen pa vle ekri yo avèk plim ak lank; ¹⁴men mwen espere ke mwen va wè nou toutalè, epi nou va pale fasafas. ¹⁵Lapè swat avèk nou. Zanmi yo salye nou. Salye zanmi yo pa pwòp non yo.