Psaumes 61

Conduis-moi sur le rocher plus haut que moi

Кіраўніку хору: на струнных інструмэнтах. Давіда. ²Пачуй, Божа, галашэньне маё, зваж на малітву маю! ³Ад краю зямлі да Цябе клічу, калі зьнемагае сэрца маё; на скалу, што ўзвышаецца нада мною, узьвядзі мяне!

⁴Бо Ты быў прыстанішчам маім, вежай моцы маёй супраць ворага. ⁵Буду жыць у намёце Тваім вечна, маю надзею пад заслонаю крылаў Тваіх. (Сэлях) ⁶Бо Ты, Божа, чуў абяцаньні мае, Ты даў валоданьне тым, што баяцца імя Твайго.

⁷Дадай дні да дзён валадара, няхай гады яго [будуць] з пакаленьня ў пакаленьне, ⁸Няхай жыве вечна перад абліччам Божым; прызнач міласэрнасьць і праўду, каб захоўвалі яго! ⁹Дык буду выслаўляць імя Тваё на вякі, буду спаўняць абяцаньні мае кожны дзень.