Genèse 36

La descendance d'Ésaü

I вось радавод Эзава, ён жа Эдом. ²Эзаў узяў сабе жонак з дачок Ханаану: Аду, дачку Элёна Хета, і Агаліваму, дачку Аны, дачку Цывеона Хівея, ³і Басэмат, дачку Ізмаэля, сястру Наваёта.

⁴I нарадзіла Ада Эзаву Эліфаза, а Басэмат нарадзіла Рэўэля, ⁵а Агалівама нарадзіла Евуша, Яляма і Караха. Гэта сыны Эзава, якія нарадзіліся ў яго ў зямлі Ханаан. ⁶I ўзяў Эзаў жонак сваіх, і сыноў сваіх, і дочак сваіх, і ўсе душы дому свайго, і статкі свае, і ўсю скаціну сваю, і ўсю маёмасьць сваю, якую ён прыдбаў у зямлі Ханаан, і пайшоў у іншую зямлю ад аблічча Якуба, брата свайго, ⁷бо была маёмасьць іхняя вялікая, каб яны маглі жыць разам, і не магла зямля вандраваньня іхняга насіць іх з прычыны статкаў іхніх.

⁸I пасяліўся Эзаў на гары Сэір, Эзаў, ён жа Эдом. ⁹I вось радавод Эзава, бацькі Эдому на гары Сэір. ¹⁰Вось імёны сыноў Эзава: Эліфаз, сын Ады, жонкі Эзава; Рэўэль, сын Басэмат, жонкі Эзава.

¹¹І былі сыны Эліфаза: Тэман, Амар, Цэфо, Гатам і Кеназ. ¹²А Тымна была наложніцай Эліфаза, сына Эзава, і яна нарадзіла Эліфазу Амалека. Гэта сыны Ады, жонкі Эзава. ¹³І вось сыны Рэўэля: Нахат, Зэрах, Шамма і Міза. Гэтыя былі сынамі Басэмат, жонкі Эзава.

¹⁴I вось сыны Агалівамы, дачкі Аны, дачкі Цывеона, жонкі Эзава. Яна нарадзіла Эзаву Евуша, Яляма і Караха. ¹⁵Вось князі сыноў Эзава. Сыны Эліфаза, першароднага Эзава: князь Тэман, князь Амар, князь Цэфо, князь Кеназ, ¹⁶князь Карах, князь Гатам, князь Амалек. Гэта князі Эліфаза ў зямлі Эдом, гэта сыны Ады.

¹⁷А вось сыны Рэўэля, сына Эзава: князь Нагат, князь Зэрах, князь Шамма, князь Міза. Гэта князі Рэўэля ў зямлі Эдом, гэта сыны Басэмат, жонкі Эзава. ¹⁸А вось сыны Агалівамы, жонкі Эзава: князь Евуш, князь Ялям, князь Карах. Гэта князі Агалівамы, дачкі Аны, жонкі Эзава. ¹⁹Вось сыны Эзава, і вось князі іхныя. Гэта Эдом.

Les fils de Séir

²⁰Вось сыны Сэіра Харэя, жыхары зямлі той: Лётан, Шаваль, Цывеон, Ана, ²¹Дышон, Эцэр і Дышан. Гэта князі Харэяў, сыны Сэіра ў зямлі Эдом. ²²I былі сыны Лётана: Хоры і Геман, а сястра Лётана — Тымна.

²³А вось сыны Шаваля: Альван, Манахат, Эваль, Шэфо і Анам. ²⁴А вось сыны Цывеона: Ая і Ана. Гэта той Ана, які знайшоў гарачыя крыніцы ў пустыні, калі пасьвіў аслоў Цывеона, бацькі свайго. ²⁵А вось сыны Аны: Дышон і Агалівама, дачка Аны.

²⁶А вось сыны Дышона: Хемдан, Эшбан, Ітран, і Херан. ²⁷Вось сыны Эцэра: Більган, Зааван і Акан. ²⁸Вось сыны Дышана: Уц і Аран.

²⁹Вось князі Харэяў: князь Лётан, князь Шаваль, князь Цывеон, князь Ана, ³⁰князь Дышон, князь Эцэр, князь Дышан. Гэта князі Харэяў паводле княстваў сваіх у зямлі Сэір.

Les rois d'Édom

³¹А вось валадары, якія валадарылі ў зямлі Эдом, раней за валадараньне валадароў у сыноў Ізраіля. ³²I валадарыў у Эдоме Бэла, сын Бэора, а імя гораду ягонага — Дынгава. ³³I памёр Бэла, і валадарыў пасьля яго Ёваў, сын Зэраха, з Боцры.

³⁴I памёр Ёваў, і валадарыў пасьля яго Хушам, з зямлі Тэман. ³⁵І памёр Хушам, і валадарыў пасьля яго Гадад, сын Бэдада, які пабіў Мадыянцаў на полі Мааўскім; а імя гораду ягонага — Авіт. ³⁶I памёр Гадад, і валадарыў пасьля яго Самла з Масрэкі.

³⁷I памёр Самла, і валадарыў пасьля яго Шауль з Рэхавота, што каля ракі. ³⁸I памёр Шауль, і валадарыў пасьля яго Баал-Ханан, сын Ахбора. ³⁹I памёр Баал-Ханан, сын Ахбора, і валадарыў пасьля яго Гадар, а імя гораду ягонага — Паў; а імя жонкі ягонае — Мэгетавэль, дачка Матрэды, дачкі Мэзагава.

⁴⁰А вось імёны князёў Эзава, паводле плямёнаў іхніх, паводле мясцовасьцяў іхніх, [названых] імёнамі іхнімі: князь Тымна, князь Альва, князь Етэт, ⁴¹князь Агалівама, князь Эла, князь Пінон, ⁴²князь Кеназ, князь Тэман, князь Міўцар, ⁴³князь Магдыель, князь Ірам. Вось князі Эдому, паводле сялібаў іхніх, у зямлі ўласнасьці іхняй. Гэта Эзаў, бацька Эдому.