1 Timothée 4

Un avertissement sur les derniers temps

А Дух выразна кажа, што ў апошнія часы некаторыя адыйдуць ад веры, зважаючы на духаў падманлівых і вучэньні дэманавы, ²праз крывадушнасьць тых, якія кажуць фальшыва і выпалілі сумленьне сваё, ³якія забараняюць жаніцца, [кажуць] высьцерагацца ежы, якую Бог стварыў дзеля спажываньня з падзякай вернымі і тымі, што пазналі праўду.

⁴Бо ўсякае стварэньне Божае добрае, і нішто ня мае быць адкінутым, што прыймаецца з падзякаю, ⁵бо асьвячаецца праз слова Божае і малітву.

Exerce-toi à la piété

⁶Прадстаўляючы гэта братам, будзеш добрым служыцелем Ісуса Хрыста, спасіленым словамі веры і добрым навучаньнем, за якімі ты пайшоў сьледам. ⁷А паганых і бабскіх баек цурайся, але практыкуйся ў пабожнасьці. ⁸Бо цялеснае практыкаваньне мала карыснае, а пабож­насьць на ўсё карысная, маючы абяцаньне жыцьця цяперашняга і будучага.

⁹Вернае [гэта] слова і ўсякага прыняцьця вартае. ¹⁰Бо мы дзеля гэтага і працуем, і зьнявагі церпім, што спадзяемся на Бога Жывога, Які ёсьць Збаўца ўсіх людзей, а найбольш — верных. ¹¹Загадвай гэта і навучай.

¹²Няхай ніхто не пагарджае маладосьцю тваёй, але будзь прыкладам для верных у слове, у ладзе жыцьця, у любові, у духу, у веры, у чысьціні. ¹³Пакуль прыйду, займайся чытаньнем, пацяшаньнем, навучаньнем. ¹⁴Не занядбоўвай дару [ласкі], што ў табе, які дадзены табе праз прароцтва, з ускладаньнем рук старостаў.

¹⁵Гэта абдумвай, у гэтым будзь, каб посьпех твой быў яўны для ўсіх. ¹⁶Захоўвай сябе і вучэньне, трывай у гэтым, бо, гэтак робячы, і сябе збавіш, і тых, якія слухаюць цябе.