Job 35

Que gagne Dieu avec toi

א                  ויען אליהו ויאמר ²ב  הזאת חשבת למשפט    אמרת צדקי מאל ³ג  כי-תאמר מה-יסכן-לך    מה-אעיל מחטאתי ⁴ד  אני אשיבך מלין--    ואת-רעיך עמך ⁵ה  הבט שמים וראה    ושור שחקים גבהו ממך ⁶ו  אם-חטאת מה-תפעל-בו    ורבו פשעיך מה-תעשה-לו ⁷ז  אם-צדקת מה-תתן-לו    או מה-מידך יקח ⁸ח  לאיש-כמוך רשעך    ולבן-אדם צדקתך

⁹ט  מרב עשוקים יזעיקו    ישועו מזרוע רבים ¹⁰י  ולא-אמר--איה אלוה עשי    נתן זמרות בלילה ¹¹יא  מלפנו מבהמות ארץ    ומעוף השמים יחכמנו ¹²יב  שם יצעקו ולא יענה--    מפני גאון רעים ¹³יג  אך-שוא לא-ישמע אל    ושדי לא ישורנה ¹⁴יד  אף כי-תאמר לא תשורנו    דין לפניו ותחולל לו ¹⁵טו  ועתה--כי-אין פקד אפו    ולא-ידע בפש מאד ¹⁶טז  ואיוב הבל יפצה-פיהו    בבלי-דעת מלין יכבר