Job 17

Mon espérance est dans la tombe

א  רוחי חבלה ימי נזעכו    קברים לי ²ב  אם-לא התלים עמדי    ובהמרותם תלן עיני ³ג  שימה-נא ערבני עמך    מי הוא לידי יתקע ⁴ד  כי-לבם צפנת משכל    על-כן לא תרמם ⁵ה  לחלק יגיד רעים    ועיני בניו תכלנה ⁶ו  והציגני למשל עמים    ותפת לפנים אהיה ⁷ז  ותכה מכעש עיני    ויצרי כצל כלם ⁸ח  ישמו ישרים על-זאת    ונקי על-חנף יתערר

⁹ט  ויאחז צדיק דרכו    וטהר-ידים יסיף אמץ ¹⁰י  ואולם--כלם תשבו ובאו נא    ולא-אמצא בכם חכם ¹¹יא  ימי עברו זמתי נתקו--    מורשי לבבי ¹²יב  לילה ליום ישימו    אור קרוב מפני-חשך ¹³יג  אם-אקוה שאול ביתי    בחשך רפדתי יצועי ¹⁴יד  לשחת קראתי אבי אתה    אמי ואחתי לרמה ¹⁵טו  ואיה אפו תקותי    ותקותי מי ישורנה ¹⁶טז  בדי שאל תרדנה    אם-יחד על-עפר נחת