Неемия 7

Стражи для города

Curral pergayta ushajpaj ushaycur, puncucunatapis llapanpata jawiyta ushaycur, puncu täpajcunata, Diosta alabar cantajcunata, cüracunata yanapaj Leví runacunatapis puncu yaycunacunata täpananpaj churanacurä. ²Jerusalencho mandaj cananpaj churarä wauguë Hananita. Siudächo llapan suldärucunapa mandajnin cananpaj churarä Hananiasta. Payga caran alli runa llapantapis cumlej yäracuna. Waquin runacunapita masmi Tayta Diostapis rispitaj. ³Paycunata nirä: «Sumaj pacha jun'garcuptinraj Jerusalenpa puncunta quichachinqui. Inti päsarcuptin puncucunata wichgachinqui, rancachinqui, puncu täpajcuna täpanancunacho caycaptinraj.» Siudächo tiyaj runacunata churarä ricchacur täpäshinanpaj. Waquintaga nirä wasincunapa lädunpa cajtaga täpäshinanpaj.

Список возвратившихся

⁴Siudäga caran may-may jatun. Runacunami ichanga caru-carulla tiyarcaycaran. Juchusha wasicunata manarämi ushajpäga allchasharächu caran. ⁵Tayta Dios yarpayta gomar yanapämaptinmi gayachirä rispitädu mayur runacunata, mandajcunata, llapan runacunata ayca cashantapis sinsunäpaj. Chaychömi tarirä rimir cutimojcunapataga jutincuna apuntashana caycajta. Chaychöga caynömi apuntaraycaran: ⁶Judächo yurej Israelcunata ray Nabucodonosor Babiloniaman prësu apashanpa jutincunami caycho caycan. Chay runacunaga cuticuran Jerusalenman, Judächo caycaj marcancunaman-cama. Paycunataga cutichimuran: Zorobabel, Josué, Nehemías, Azarías, Raamías, Nahamani, Mardoqueo, Bilsán, Misperet, Bigvai, Nehum, Baana. Pushamushan runacuna caran: ⁷Parospita mirajcuna 2,172.

⁸Sefatiaspita mirajcuna 372. ⁹Arapita mirajcuna 652. ¹⁰Pahat-Moab runacuna 2,818. Paycunaga caran Josuëpita Joabpita mirajcuna.

¹¹Elampita mirajcuna 1,254. ¹²Zatupita mirajcuna 845. ¹³Zacaipita mirajcuna 7.

¹⁴Binuypita mirajcuna 648. ¹⁵Bebaipita mirajcuna 628. ¹⁶Azgadpita mirajcuna 2,322.

¹⁷Adonicampita mirajcuna 667. ¹⁸Bigvaipita mirajcuna 2,067. ¹⁹Adinpita mirajcuna 655.

²⁰Aterpa wamran Ezequiaspita mirajcuna 98. ²¹Hasumpita mirajcuna 328. ²²Bezaipita mirajcuna 324.

²³Harifpita mirajcuna 112. ²⁴Gabaonpita mirajcuna 95. ²⁵Belén runacunawan Netofa runacuna 188.

²⁶Anatot runacuna 128. ²⁷Bet-azmavet runacuna 42. ²⁸Quiriat-jearim, Cafira, Beerot runacuna 743.

²⁹Ramäwan Geba runacuna 621. ³⁰Micmas runacuna 122. ³¹Betelwan Hai runacuna 123.

³²Nebo runacuna 52. ³³Jucaj Elam runacuna 1,254. ³⁴Harim runacuna 320.

³⁵Jericó runacuna 345. ³⁶Lod, Hadid, Ono runacuna 721. ³⁷Senaa runacuna 3,930.

³⁸Cüracuna caran: Josuëpita miraj cüra Jedaiaspita mirajcuna 973. ³⁹Cüra Imerpita mirajcuna 1,052. ⁴⁰Cüra Pasurpita mirajcuna 1,247.

⁴¹Cüra Harimpita mirajcuna 1,017. ⁴²Cüracunata yanapaj Leví runacuna caran: Josuëpita, Cadmielpita Hodaviaspita mirajcuna 74. ⁴³Asafpita mirajcuna Diosta alabar cantajcuna 148.

⁴⁴Salumpita, Aterpita, Talmonpita, Acubpita, Hatitapita, Sobaipita mirajcuna. Paycuna caran puncu täpajcuna 138. ⁴⁵Diospa Templuncho ima ruraycunachöpis arojcuna caran: Zihapita, Hasufapita, Tabaotpita, ⁴⁶Querospita, Siahapita, Padonpita, ⁴⁷Lebanapita, Hagabapita, Salmaipita, ⁴⁸Hananpita, Gidelpita, Gaharpita, ⁴⁹Reaiapita, Rezinpita, Necodapita, ⁵⁰Gazampita, Uzapita, Paseahpita, ⁵¹Besaipita, Meunpita, Nefusimpita,

⁵²Bacbucpita, Hacufapita, Harhurpita, ⁵³Bazlutpita, Mehidapita, Harsapita, ⁵⁴Barcospita, Sisarapita, Temapita, ⁵⁵Neziapita, Hatifapita mirajcuna.

⁵⁶Salomonpa uywaynincunapita mirajcuna caran cayno jutiyoj runacunapa wamrancunami: Sotaipa, Soferetpa, Perudapa, ⁵⁷Jaalapa, Darconpa, Gidelpa, ⁵⁸Sefatiaspa, Hatilpa, Poqueret-hazebaimpa, Amonpa.

⁵⁹Templucho arojcuna Salomonpa uywayninpita mirajcunawan llapanga caran quimsa pachac isgun chunca ishcaynin (392) runacuna. ⁶⁰Tel-melapita, Tel-harsapita, Querubpita, Imerpita, chayamojcunaga manami sumäga musyaranchu lijïtimu Israel casta cashanta, ni carullapana casta cashantapis. Chay runacunaga caran: ⁶¹Delaiapita, Tobiaspita, Necodapita mirajpa wamrancuna. Paycuna caran sojta pachac chuscu chunca ishcaynin (642) runacuna.

⁶²Cüra famillya cajcunapis caran: Habaiapita, Cospita, Barzilaipita mirajcuna. Chaypa wamrancuna majachacaran Galaadpita caj Barzilaipa warmi wamrancunawan. Majachacarcur paycunaga Galaadcho tiyaj cajpa jutintana aparan. ⁶³Paycuna chay famillyalla anutacushancho jutincunata ashiran. Chaycho mana taricaptin cüracuna arushanta mana aruchirannachu. ⁶⁴Gobernadorpis niran Urimta Tumimta ricaypa cüra musyanancamaraj Tayta Diospaj churashancunata manana micunanpaj.

⁶⁵Cutimoj runacuna ushajpäga caran chuscu chunca ishcaynin waranga quimsa pachac sojta chunca (42,360). ⁶⁶Uywaynin cajcunataga ollguta warmitapis manami yuparanchu. Chay cajcunaga shuyni caran ganchis waranga quimsa pachac quimsa chunca ganchisnin (7,337). Tayta Diosta alabar cantajcunapis warmi ollgu caran ishcay pachac chuscu chunca pichgan (245) runacuna. ⁶⁷Cawalluncuna caran ganchis pachac quimsa chunca sojtan (736). Mülacuna caran ishcay pachac chuscu chunca pichgan (245).

⁶⁸Camëllucuna caran chuscu pachac quimsa chunca pichgan (435). Bürrucunana caran sojta waranga ganchis pachac ishcay chuncan (6,720). ⁶⁹Waquin rispitädu runacunaga buluntäninpita goycäriran aruchinanpaj. Gobernadorpis churaran pusaj quïlu gorita, pichga chunca tasuncunata, cürapaj pichga pachac quimsa chuncan (530) sotänacunata.

Дары на дело

⁷⁰Waquin famillyapa mandajnincunana llapanga churaran pachac sojta chuncan (160) quïlu gorita, waranga ishcay pachac chuncan (1,210) quïlu guellayta. Aruchiycho gastananpämi churaran. ⁷¹Cumun runacunana llapanga churaran pachac sojta chuncan (160) quïlun gorita, pachac chuncan (110) quïlun guellayta, cüracunapäpis sojta chunca ganchis (67) sotänata. ⁷²Cüracuna, Leví famillya runacuna, puncu täpajcuna, Diosta alabar cantajcuna, Templucho ima ruraychöpis arojcuna, llapan Israel cumuncunapis marcanman-cama tiyacaycäriran. Ganchis quilla cajpänaga marcancho-camanami llapan runacuna tiyarcaycaran.