Числа 26

Второе исчисление

¹महामारी के बाद यहोवा ह मूसा अऊ हारून पुरोहित के बेटा एलिआजर ला कहिस, ²“जम्मो इसरायली समाज के गनती परिवार के मुताबिक करव—जेमन बीस साल या जादा उमर के हवंय अऊ इसरायल के सेना म सेवा दे सकत हें।” ³तब मूसा अऊ एलिआजर पुरोहित, यरीहो के ओ पार यरदन नदी के तीर, मोआब के मैदान म इसरायलीमन ले बात करिन अऊ कहिन, ⁴“बीस साल या ओकर ले जादा उमर के मनखेमन के गनती करव, जइसने यहोवा ह मूसा ला हुकूम दे हवय।”

Колено Рувима

⁵इसरायल के पहिलांत बेटा रूबेन के संतान: हनोक के जरिये हनोकी गोत्र; पल्लू के जरिये पल्लूयी गोत्र; ⁶हेसरोन के जरिये हेसरोनी गोत्र; करमी के जरिये करमी गोत्र। ⁷येमन रूबेनी गोत्र के रिहिन; जेमन के गनती, 43,730 रिहिस। ⁸पल्लू के बेटा एलीआब रिहिस, ⁹अऊ एलीआब के बेटामन नमूएल, दातान अऊ अबीराम रिहिन। इही दातान अऊ अबीराम समाज के करमचारी रिहिन अऊ येमन मूसा अऊ हारून के बिरूध बिदरोह करिन अऊ येमन कोरह के ओ अनुयायीमन के संग रिहिन, जब ओमन यहोवा के बिरूध बिदरोह करिन। ¹⁰धरती ह अपन मुहूं फारिस अऊ ओमन ला कोरह के संग लील लीस; ओकर पाछू चलइयामन मर गीन, जब आगी ह 250 मनखे ला भसम कर दीस। अऊ ओमन चेतउनी के एक चिनहां होईन। ¹¹तभो ले कोरह के बंस ह खतम नइं होईस।

Колено Симеона

¹²सिमोन के संतान ओमन के गोत्र के मुताबिक: नमूएल के जरिये नमूएली गोत्र; यामीन के जरिये यामीनी गोत्र; याकीन के जरिये याकीनी गोत्र; ¹³जेरह के जरिये जेरही गोत्र; साऊल के जरिये साऊली गोत्र। ¹⁴येमन सिमोन गोत्र के रिहिन; जेमन के गनती, 22,200 रिहिस।

Колено Гада

¹⁵गाद के संतान ओमन के गोत्र के मुताबिक: सपोन के जरिये सपोनी गोत्र; हाग्गी के जरिये हाग्गी गोत्र; सूनी के जरिये सूनी गोत्र; ¹⁶ओजनी के जरिये ओजनी गोत्र; एरी के जरिये एरी गोत्र; ¹⁷अरोद के जरिये अरोदी गोत्र; अरेली के जरिये अरेली गोत्र। ¹⁸येमन गाद गोत्र के रिहिन; जेमन के गनती 40,500 रिहिस।

Колено Иуды

¹⁹यहूदा के बेटा एर अऊ ओनान रिहिन, पर ओमन कनान देस म मर गीन। ²⁰यहूदा के संतान ओमन के गोत्र के मुताबिक: सेलह के जरिये सेलानी गोत्र; पेरेस के जरिये पेरेसी गोत्र; जेरह के जरिये जेरही गोत्र। ²¹पेरेस के संतान येमन रिहिन: हेसरोन के जरिये हेसरोनी गोत्र; हामूल के जरिये हामूली गोत्र। ²²येमन यहूदा गोत्र के रिहिन; जेमन के गनती 76,500 रिहिस।

Колено Иссахара

²³इस्साकार के संतान ओमन के गोत्र के मुताबिक: तोला के जरिये तोलायी गोत्र; पुआ के जरिये पुवी गोत्र; ²⁴यासूब के जरिये यासूबी गोत्र; सिमरोन के जरिये सिमरोनी गोत्र। ²⁵येमन इस्साकार गोत्र के रिहिन; जेमन के गनती 64,300 रिहिस।

Колено Завулона

²⁶जबूलून के संतान ओमन के गोत्र के मुताबिक: सेरेद के जरिये सेरेदी गोत्र; एलोन के जरिये एलोनी गोत्र; यहलेल के जरिये यहलेली गोत्र। ²⁷येमन जबूलूनी गोत्र के रिहिन; जेमन के गनती, 60,500 रिहिस।

Колено Манассии

²⁸यूसुफ के संतान, जेमन गोत्र के मुताबिक मनस्से अऊ एपरैम के जरिये होईन: ²⁹मनस्से के संतान: माकीर के जरिये माकीरी गोत्र (माकीर ह गिलाद के ददा रिहिस); गिलाद के जरिये गिलादी गोत्र। ³⁰गिलाद के संतान येमन रिहिन: ईएजेर के जरिये ईएजेरी गोत्र; हेलेक के जरिये हेलेकी गोत्र; ³¹असरीएल के जरिये असरीएली गोत्र; सकेम के जरिये सकेमी गोत्र; ³²समीदा के जरिये समीदायी गोत्र; हेपेर के जरिये हेपेरी गोत्र। ³³(हेपेर के बेटा सलोफाद के कोनो बेटा नइं रिहिन; ओकर सिरिप बेटीमन रिहिन, जेमन के नांव महला, नोआ, होगला, मिलका अऊ तिरसा रिहिस।) ³⁴येमन मनस्से के गोत्र रिहिन; जेमन के गनती 52,700 रिहिस।

Колено Ефрема

³⁵एपरैम के संतान ओमन के गोत्र के मुताबिक येमन रिहिन: सूतेलह के जरिये सूतेलही गोत्र; बेकेर के जरिये बेकेरी गोत्र; तहान के जरिये तहानी गोत्र। ³⁶सूतेलह के संतान येमन रिहिन: एरान के जरिये एरानी गोत्र। ³⁷येमन एपरैम के संतान रिहिन; जेमन के गनती, 32,500 रिहिस।

Колено Вениамина

³⁸बिनयामीन के संतान ओमन के गोत्र के मुताबिक: बेला के जरिये बेलायी गोत्र; असबेल के जरिये असबेली गोत्र; अहीराम के जरिये अहीरामी गोत्र; ³⁹सूपाम के जरिये सूपामी गोत्र; हूपाम के जरिये हूपामी गोत्र। ⁴⁰बेला के संतान अर्द अऊ नामान के जरिये: अर्द के जरिये अर्दी गोत्र; नामान के जरिये नामानी गोत्र। ⁴¹येमन बिनयामीन के गोत्र रिहिन; जेमन के संखिया 45,600 रिहिस।

Колено Дана

⁴²दान के संतान ओमन के गोत्र के मुताबिक येमन रिहिन: सूहाम के जरिये सूहामी गोत्र। ⁴³येमा के जम्मो झन सूहामी गोत्र के रिहिन; जेमन के संखिया 64,400 रिहिस।

Колено Асира

⁴⁴आसेर के संतान ओमन के गोत्र के मुताबिक: यिमना के जरिये यिमनी गोत्र; इसवी के जरिये इसवी गोत्र; बरीया के जरिये बरीयी गोत्र; ⁴⁵अऊ बरीया के संतान के जरिये: हेबेर के जरिये हेबेरी गोत्र; मलकीएल के जरिये मलकीएली गोत्र। ⁴⁶आसेर के सेरह नांव के एक बेटी रिहिस। ⁴⁷येमन आसेर के गोत्र रिहिन; जेमन के गनती 53,400 रिहिस।

Колено Неффалима

⁴⁸नपताली के संतान ओमन के गोत्र के मुताबिक: यहसेल के जरिये यहसेली गोत्र; गूनी के जरिये गूनी गोत्र; ⁴⁹येसेर के जरिये येसेरी गोत्र; सिल्लेम के जरिये सिल्लेमी गोत्र। ⁵⁰येमन नपताली गोत्र के रिहिन; जेमन के गनती 45,400 रिहिस। ⁵¹इसरायल के पुरूसमन के कुल संखिया 6,01,730 रिहिस।

Земля делится по жребию

⁵²यहोवा ह मूसा ला कहिस, ⁵³“नांव के गनती के आधार म ओमन के बीच म भुइयां ला ओमन के उत्तराधिकार के रूप म बांटना हे। ⁵⁴बड़े दल ला बड़े भाग दे, अऊ छोटे दल ला छोटे भाग; सूची म ओमन के गनती के मुताबिक हर एक ला ओकर उत्तराधिकार मिलय। ⁵⁵येकर धियान रखबे कि भुइयां ला चिट्ठी के जरिये बांटे जावय। हर एक दल ला जऊन भाग मिलथे, ओह ओकर पुरखा के गोत्र के नांव के मुताबिक होवय। ⁵⁶हर उत्तराधिकार ला चिट्ठी के दुवारा बड़े अऊ छोटे दलमन के बीच बांटे जावय।”

Исчисление левитов

⁵⁷ये लेवीमन रिहिन, जेमन के गनती ओमन के गोत्र के मुताबिक होईस: गेरसोन के जरिये गेरसोनी गोत्र; कहात के जरिये कहाती गोत्र; मरारी के जरिये मरारी गोत्र। ⁵⁸लेवी गोत्र के येमन घलो रिहिन: लिबनी गोत्र, हेबरोनी गोत्र, महली गोत्र, मूसी गोत्र, कोरही गोत्र। (कहात ह अमराम के पुरखा रिहिस; ⁵⁹अमराम के घरवाली के नांव योकेबेद रिहिस, जऊन ह लेवी के एक संतान रिहिस, अऊ मिसर म लेवी बंस म जनमे रिहिस। अमराम कोति ले ओह हारून, मूसा अऊ ओमन के बहिनी मिरियम ला जनम दीस। ⁶⁰हारून ह नादाब, अबीहू, एलिआजर अऊ ईतामार के ददा रिहिस। ⁶¹पर नादाब अऊ अबीहू मर गीन, जब ओमन यहोवा के आघू म बिगर अधिकार वाले आगी ले एक बलिदान चघाईन।) ⁶²जम्मो लेवी पुरूस, जेमन एक महिना अऊ जादा उमर के रिहिन, गनती म 23,000 रिहिन। येमन ला आने इसरायलीमन संग नइं गने गीस, काबरकि येमन ला ओमन के बीच उत्तराधिकार नइं मिले रिहिस।

Остались лишь Халев и Иисус

⁶³मूसा अऊ एलिआजर पुरोहित के दुवारा येमन ला गने गीस, जब ओमन यरीहो के ओ पार यरदन नदी के तीर मोआब के मैदान म इसरायलीमन के गनती करिन। ⁶⁴जऊन इसरायलीमन ला मूसा अऊ हारून पुरोहित, सीनय के सुन्ना जगह म गने रिहिन, ओमा के एको झन घलो अभी गने गय मनखेमन के बीच नइं रिहिन। ⁶⁵काबरकि यहोवा ह ओ इसरायलीमन ला कहे रिहिस कि ओमन खचित सुन्ना जगह म मर जाहीं, अऊ सिरिप यपुन्ने के बेटा कालेब अऊ नून के बेटा यहोसू ला छोंड़ ओमा के एको झन घलो नइं बांचिन।