Псалтирь 91
Живущий под кровом Всевышнего
1བླ་མེད་དཀོན་མཆོག་སྐྱབས་སུ་འགྲོ་མཁན༌ནི། །ཀུན་དབང་ཉིད་ཀྱི་གྲིབ་བསིལ་འོག་ཏུ༌སྡོད།། 2ཡ་ཝཱེའི་སྐོར་ལ་བདག་གིས་འདི་ལྟར༌སྨྲ། །ཁོང་ནི་བདག་གི་སྐྱབས་གནས་རི་རྫོང༌དང༌། །ང་ཡི་དཀོན་མཆོག་ང་ཡི་རྟེན་གཞི༌ཡིན།། 3ཁོང་གིས་ཁྱོད་རང་བྱ་པའི་རྙི་རྒྱ༌དང༌། །འཆི་བྱེད་རིམས་ནད་སོགས་ལས་སྐྱོབ་པར༌འགྱུར།། 4ཁོང་གིས་ཉིད་ཀྱི་གཤོག་སྒྲོས་ཁྱོད་འགེབས༌ཤིང༌། །ཁོང་གི་འདབ་གཤོག་འོག་ཏུ་སྐྱབས་གནས༌རྙེད། །ཁོང་གི་བདེན་པ་ཕུབ་དང་ལྕགས་རི༌ཡིན།། 5ཁྱོད་ནི་མཚན་མོའི་འཇིགས་སྣང་གང་ཞིག༌དང༌། །ཉིན་མོར་འཕུར་བའི་མདའ་ལ་སྐྲག་མི༌དགོས།། 6ཡང་ན་མཚན་མོར་རྒྱུ་བའི་རིམས་ནད༌དང༌། །ཉིན་གུང་འཇོམས་བྱེད་ནད་ལའང་འཇིགས་མི༌དགོས།། 7ཁྱོད་ཀྱི་ལོགས་སུ་མི་གྲངས་ཆིག་སྟོང༌དང༌། །གཡས་སུ་མི་གྲངས་ཆིག་ཁྲི་འགྱེལ་ན༌ཡང༌། །ཆག་སྒོ་དེ་ནི་ཁྱོད་ལ་ཐེབས་མི༌འགྱུར།། 8མི་ངན་དག་ལ་ཉེས་ཆད་ཕོག་པ༌ནི། །ཁྱོད་ཀྱི་མིག་གིས་དངོས་སུ་མཐོང་བར༌འགྱུར།།
9བདག་གི་སྐྱབས་གནས་ལགས་པའི་ཡ་ཝཱེ༌སྟེ། །བླ་ན་མེད་པའི་དཀོན་མཆོག་ཁོང་ཉིད༌ནི། །ཁྱོད་ཀྱིས་རང་གི་སྡོད་སའི་གནས་བྱས༌པས།། 10ཁྱོད་ལ་བར་ཆད་གང་ཡང་འབྱུང་མི༌སྲིད། །གནོད་པ་ཁྱོད་ཀྱི་གུར་ལ་བཏུད་མི༌ནུས།། 11ཁོང་གིས་ཉིད་ཀྱི་ཕོ་ཉར་བཀའ་གནང༌སྟེ། །བགྲོད་ལམ་ཀུན་ཏུ་ཁྱོད་རང་བསྲུང་བར༌འགྱུར།། 12ཁྱོད་ཀྱི་རྐང་པ་རྡོ་ལ་མི་ཐོགས༌ཕྱིར། །ཕོ་ཉའི་ཕྱག་གིས་ཁྱོད་རང་འདེགས་པར༌བྱ།། 13ཁྱོད་རང་སེང་གེ་དུག་སྦྲུལ་སྟེང་དུ༌སྤོ། །སེང་དར་དང་ནི་དུག་སྦྲུལ་བརྫི་བར༌བྱ།། 14དཀོན་མཆོག་ཉིད་ཀྱིས་འདི་སྐད་གསུངས་པ༌སྟེ། །ཁོ་ནི་བདག་ལ་རྩེ་གཅིག་གིས་དུངས༌པས། །བདག་གིས་ཁོ་ནི་སྐྱོབ་པར་བྱེད་པ༌དང༌། །ཁོ་ཡིས་བདག་གི་མིང་ཡང་ཤེས་པས༌ན། །བདག་གིས་ཁོ་ནི་ནམ་ཡང་བསྲུང་བར༌འགྱུར།། 15ཁོ་ཡིས་བདག་ལ་ཞུས་ན་ལན་འདེབས་ཤིང་། །དཀའ་སྡུག་ཁྲོད་དུ་ཁོ་དང་མཉམ་དུ༌ཡོད། །ཁོ་རང་བསྐྱབས་ནས་བཀུར་སྟི་འཐོབ་པར༌བྱ།། 16བདག་གིས་ཁོ་ནི་ཚེ་ཐག་རིང་བར༌བྱ། །བདག་གི་ཐར་པ་ཁོ་ལ་སྟོན་པར༌བྱ།།