Псалтирь 137
При реках Вавилона
1ངེད་ཅག་པཱ་པེལ་གཙང་པོའི་འགྲམ་བསྡད༌ཅིང༌། །ཛ་ཡན་དྲན་དུས་དེ་རུ་ངུས་པ༌ཡིན།། 2དེ་དག་ཁྲོད་དུ་ལྕང་ཤིང་རྣམས་ཀྱི༌སྟེང༌། །ང་ཚོའི་པི་ཝང་རྣམས་ནི་བཏགས་པ༌ལགས།། 3རྒྱུ་མཚན་ངེད་ཅག་བཙོན་དུ་ཁྲིད་མཁན༌གྱིས། །ང་ཚོར་མགུར་གླུ་ལོངས་ཤོག་སྨྲས་བྱུང༌ཞིང༌། །ཛ་ཡན་གླུ་ཞིག་ལོངས་ལ་སྐྱིད་པོ༌བྱོས། །དེ་སྐད་མནར་གཅོད་གཏོང་མཁན་རྣམས་ཀྱིས༌ཟེར།། 4ང་ཚོས་མི་རིགས་གཞན་གྱི་ཡུལ་ཁམས༌སུ། །ཡ་ཝཱེའི་མགུར་གླུ་ཅི་ལྟར་ལེན་པར༌བྱ།། 5ཡེ་རུ་སཱ་ལེམ་ང་ཡིས་ཁྱེད་བརྗེད༌ན། །ངའི་ལག་གཡས་པས་ལག་རྩལ་བརྗེད་གྱུར༌ཅིག། 6གལ་ཏེ་བདག་གིས་ཡེ་རུ་སཱ་ལེམ༌ཁྱེད། །ང་ཡི་དགའ་སྤྲོའི་མཆོག་ཏུ་མི་བརྩི༌བར། །བརྗེད་ན་ངའི་ལྕེ་རྐན་ལ་འབྱར་བར༌ཤོག། 7ཀྱེ་ཀྱེ་ཡ་ཝཱེ་ཨེ་དོམ་པ་རྣམས༌ཀྱིས། །ཡེ་རུ་སཱ་ལེམ་བར་ཆད་དང་ཕྲད་དུས། །ཅི་ཞིག་བྱས་པ་ཐུགས་སུ་དྲན་དུ༌གསོལ། །དེ་ཚོས་ཤིགས་ཤིག་རྩ་ནས་ཤིགས་ཤིག༌སྨྲས།། 8ཀྱེ་ཀྱེ་རྩ་མེད་འགྲོ་རྒྱུའི་པཱ་པེལ༌གྲོང༌། །ཁྱོད་ཀྱིས་ངེད་ལ་ཅི་ཞིག་བྱས་པ༌ལྟར། །ངན་ལན་འཇལ་མཁན་དེ་ནི་བདེ་བ༌འོ།།
9ཁྱོད་ཀྱི་ཕྲུ་གུ་རྣམས་ནི་འཛིན་བྱེད༌ཅིང༌། །བྲག་ལ་རྡབ་མཁན་དེ་ནི་བདེ་བ༌འོ།།