Иов 22

Елифаз обвиняет Иова в грехе

א                  ויען אליפז התמני ויאמר ²ב  הלאל יסכן-גבר--    כי-יסכן עלימו משכיל ³ג  החפץ לשדי כי תצדק    ואם-בצע כי-תתם דרכיך ⁴ד  המיראתך יכיחך    יבוא עמך במשפט ⁵ה  הלא רעתך רבה    ואין-קץ לעונתיך ⁶ו  כי-תחבל אחיך חנם    ובגדי ערומים תפשיט ⁷ז  לא-מים עיף תשקה    ומרעב תמנע-לחם ⁸ח  ואיש זרוע לו הארץ    ונשוא פנים ישב בה

⁹ט  אלמנות שלחת ריקם    וזרעות יתמים ידכא ¹⁰י  על-כן סביבותיך פחים    ויבהלך פחד פתאם ¹¹יא  או-חשך לא-תראה    ושפעת-מים תכסך ¹²יב  הלא-אלוה גבה שמים    וראה ראש כוכבים כי-רמו ¹³יג  ואמרת מה-ידע אל    הבעד ערפל ישפוט ¹⁴יד  עבים סתר-לו ולא יראה    וחוג שמים יתהלך ¹⁵טו  הארח עולם תשמור--    אשר דרכו מתי-און ¹⁶טז  אשר-קמטו ולא-עת    נהר יוצק יסודם

¹⁷יז  האמרים לאל סור ממנו    ומה-יפעל שדי למו ¹⁸יח  והוא מלא בתיהם טוב    ועצת רשעים רחקה מני ¹⁹יט  יראו צדיקים וישמחו    ונקי ילעג-למו ²⁰כ  אם-לא נכחד קימנו    ויתרם אכלה אש ²¹כא  הסכן-נא עמו ושלם    בהם תבואתך טובה ²²כב  קח-נא מפיו תורה    ושים אמריו בלבבך ²³כג  אם-תשוב עד-שדי תבנה    תרחיק עולה מאהלך ²⁴כד  ושית-על-עפר בצר    ובצור נחלים אופיר

²⁵כה  והיה שדי בצריך    וכסף תועפות לך ²⁶כו  כי-אז על-שדי תתענג    ותשא אל-אלוה פניך ²⁷כז  תעתיר אליו וישמעך    ונדריך תשלם ²⁸כח  ותגזר-אמר ויקם לך    ועל-דרכיך נגה אור ²⁹כט  כי-השפילו ותאמר גוה    ושח עינים יושע ³⁰ל  ימלט אי-נקי    ונמלט בבר כפיך