Salmi 132

Il giuramento fatto a Davide

Ɔsoroforo dwom. Awurade kae Dawid ne ɔhaw ahorow a ogyinaa ano no. ²Ɔkaa Awurade ntam, na ɔhyɛɛ nea ɔyɛ Otumfo ma Yakob no bɔ se, ³“Merenhyɛn me fi na merenkɔda me mpa so, ⁴meremma nna mmfa me na meremma mʼani nkum, ⁵kosi sɛ menya baabi ama Awurade, baabi a nea ɔyɛ Otumfo ma Yakob No bɛtena.” ⁶Yɛtee wɔ Efrata, yɛbɛtoo so wɔ Yaar mfuw so.

⁷“Momma yɛnkɔ nʼatenae; momma yɛnsom wɔ ne nan ntiaso hɔ. ⁸‘Awurade, sɔre bra wʼahomegyebea, wo ne wo tumi adaka no. ⁹Ma trenee nyɛ sɛ ntade mma wʼasɔfo; ma wʼahotefo nto ahurusi nnwom.’ ” ¹⁰Wo somfo Dawid nti, nyi wʼani mfi nea woasra no ngo no so.

¹¹Awurade kaa ntam kyerɛɛ Dawid, nokware ntam a ɔntwe nsan se, “Wʼasefo no mu baako na mede no bɛtena wʼahengua so. ¹²Sɛ wo mmabarima di mʼapam so na wotie me nkyerɛkyerɛ a, ɛno de wɔn mmabarima bɛtena wʼahengua so afebɔɔ.” ¹³Awurade ayi Sion, ɔde hɔ ayɛ nʼatenae: ¹⁴“Ɛha ne mʼahomegyebea daa nyinaa; ɛha na mɛtena adi hene, efisɛ ha na mepɛ, ¹⁵mede nneɛma pa bebree behyira no na mama nʼahiafo adidi amee.

¹⁶Mede nkwagye befura nʼasɔfo, na nʼahotewfo ato ahurusi nnwom daa. ¹⁷“Mɛma obirɛmpɔn bi apue wɔ Dawid ahenni mu, na mede kanea asi hɔ ama nea masra no ngo no. ¹⁸Mede aniwu befura nʼatamfo, nanso wɔbɛhyɛ no ahenkyɛw a ɛhyerɛn.”