Salmi 83

Non tacere, o Dio

¹ئاسافنىڭ كۈي-ناخشىسى: ــ ئۈن چىقارماي تۇرۇۋالما، ئى خۇدا، سۈكۈت قىلىپ جىم تۇرۇۋالما، ئى تەڭرىم! ²چۈنكى مانا، سېنىڭ دۈشمەنلىرىڭ داۋراڭ قىلماقتا، ساڭا ئۆچمەنلەر باش كۆتۈرمەكتە. ³ئۇلار قۇۋلۇق بىلەن سۇيىقەست قىلار خەلقىڭگە، قارشى پىلان تۈشُۈشەر سەن قەدىرلىگەنلەرگە.

⁴ئېيتار ئۇلار: ــ «يۈرۈڭلار، بارچە قوۋم قاتارىدىن يوق قىلايلى ئۇلارنى! ئېلىنمىسۇن ئېغزاىڭغا قايدا نئىسرائىلنىڭ نامىنى!». ⁵ئۇلار ھەمنەپەس، ھەمدىل مەسلىھەتلەشتى؛ ئۇلار ساڭا قارشى ئىتتىپاق تۈزدى. ⁶مانا، ئېدوم ۋە ئىسمائىللارنىڭ چېدىرلىرى، موئاب ھەم ھاگرىيلار؛ ⁷گەبال، ئاممون، ۋە ئامالەك؛ فىلىستىيە ھەمدە تۇر ئاھالىلىرى، ⁸ئاسۇرىيەمۇ ئۇلارغا قوشۇلدى؛ ئۇلار لۇت ئوغۇللىرىغا يار-يۆلەك بولۇپ كەلگەنىدى. سېلاھ.

⁹سەن كىشون دەرياسىدا مىدىيانىيلارغا، سىسېراغا ۋە يابىنغا قانداق تاقابىل تۇرغان بولساڭ، ئۇلارغىمۇ شۇنداق قىلغايسەن؛ ¹⁰بۇلار ئەن-دور يېزىسىدا قىرىلغانىدى، يەر ئۈچۈن تىزەك-ئوغۇتقا ئايلانغانىدى. ¹¹ئۇلارنىڭ ئەمىرلىرىنى ئورەب ۋە زېئەبكە، ئۇلارنىڭ داھىيلىرىنى زەباھ ھەم زالمۇنناغا ئوخشاش قىلغايسەن؛ ¹²چۈنكى ئۇلار دەپ ئېيتقان: «خۇدانىڭ چىمەن-يايلاقلىرىنى ئۆزىمىزگە مۈلۈك قىلىۋالايلى!».

¹³ئى خۇدايىم، ئۇلارنى دومىلىنىدىغان قامغاقتەك، شامالدا ئۇچۇرۇلغان سامان كەبى سورۇۋەتكەيسەن. ¹⁴ئوت ئورمانلىققا تۇتاشقانغا ئوخشاش، يالقۇن تاغلارنى كۆيدۈرگەنگە ئوخشاش، ¹⁵سەن يەنە ئۇلارنى بورىنىڭ بىلەن قوغلىغايسەن، قارا قۇيۇنىڭ بىلەن ۋەھىمىگە سالغايسەن؛ ¹⁶ئۇلارنىڭ سېنىڭ نامىڭنى ئىزدىشى ئۈچۈن، ئۇلارنىڭ يۈزلىرىنى شەرم-ھايا بىلەن چۆمدۈرگەيسەن، ئى پەرۋەردىگار!

¹⁷ئۇلار نومۇستىن ئەبەدىي شەرمەندە بولغاي، جاھانغا رەسۋا بولۇپ يوقىتىلغاي. ¹⁸ئۇلار بىلسۇنكى، نامىڭ پەرۋەردىگار بولغان سەنلا پۈتكۈل جاھاندىكى ئەڭ ئالىي بولغۇچىدۇرسەن.