雅歌 1

愿他吻我

Ingoma yezingoma kaSolomoni. ²Kangange ngezangiwo zomlomo wakhe ngoba uthando lwakho lumnandi kulewayini. ³Limnandi iphunga lamagcobo akho; ibizo lakho linjengamakha atheliweyo. Yikho izintombi zikuthanda kangaka!

⁴Ngithatha uhambe lami, kasiphangise! Inkosi kayingingenise endlini yayo. Abangane Siyathokoza njalo siyajabula ngawe; sizalubabaza uthando lwakho okudlula iwayini. Umlobokazi Kabazenzi ukuba bakuthande! ⁵Ngimnyama kodwa ngiyabukeka, lina madodakazi aseJerusalema ngimnyama okwamathente aseKhedari, okwamakhetheni amathente kaSolomoni. ⁶Linganginyonkolozi ngoba ngimnyama, ngimnyama ngenxa yokutshiswa lilanga. Abanewethu bangizondela bangenza umlindi wesivini; angabe ngisanaka esami isivini.

⁷Akungitshele, wena engikuthandayo, uyelusela ngaphi imihlambi yezimvu zakho lokuthi ziphumula ngaphi izimvu zakho emini? Kungani ngisiba njengomfazi ombozileyo eceleni kwemihlambi yabangane bakho na? ⁸Nxa ungazi, wena omuhle okudlula bonke abesifazane, landela umkhondo wezimvu udlisele amazinyane embuzi zakho eduze lamathente abelusi. ⁹Sithandwa sami, ngikufanisa lebhiza elisikazi elibotshwe enqoleni kaFaro.

¹⁰Izihlathi zakho zinhle ngokuceciswa, intamo yakho ngobuhlalu obucazimulayo. ¹¹Sizakwenzela amacici egolide, ebalazwe ngesiliva. ¹²Khonapho inkosi isetafuleni amakha ami enadi alanquza iphunga lawo elimnandi.

¹³Kimi isithandwa sami sinjengemfuko yemure ithe khoxo phakathi kwamabele ami. ¹⁴Kimi isithandwa sami sinjengelixha lempoko zehena eliphuma esivinini se-Eni-Gedi. ¹⁵Bakithi, umuhle njani sithandwa sami! Ngeqiniso umuhle! Amehlo akho angamajuba.

¹⁶Umuhle ngempela, sithandwa sami! Bakithi, uyabukeka! Umbheda wethu butshani obuluhlaza tshoko. ¹⁷Izinsika zendlu yethu ngezomsedari lezintungo ngezefire.