诗篇 2

耶和华的受膏者

Kungani izizwe zixokozela, labantu besakha amacebo ngeze? ²Amakhosi omhlaba ayahloma ajame lababusi bahlangana ndawonye bemelana loThixo njalo lalowo ogcotshiweyo wakhe besithi; ³“Kasiwaqamuleni amaketane abo, silahle izibopho zabo.” ⁴Yena osesihlalweni ezulwini uyahleka; uThixo uyabahleka.

⁵Abesebakhalimela ngolaka, abathuthumelise ngentukuthelo yakhe, esithi, ⁶“Sengiyibekile eyami inkosi phezu kweZiyoni, intaba yami engcwele.” ⁷Ngizasimemezela isimiso sikaThixo : Wathi kimi, “UyiNdodana yami; lamhla sengibe nguyihlo.

⁸Cela kimi, ngizakwenza izizwe zibe yilifa lakho, imikhawulo yomhlaba kube yinotho yakho. ⁹Uzazibusa ngentonga yobukhosi eyensimbi, uzazibhidliza zicubuzeke njengebumba.” ¹⁰Ngakho-ke lina makhosi, limukani, liyaxwayiswa lina babusi bomhlaba.

¹¹Mkhonzeni uThixo ngokumesaba, lithokozele umbuso wakhe ngokuthuthumela. ¹²Ikhothameleni iNdodana, funa ithukuthele beselibhujiswa endleleni yenu, ngoba intukuthelo yakhe ingavutha ngesikhatshana. Babusisiwe bonke abaphephela kuye.