诗篇 113

从日出之地到日落之处

Goocai Jehova. Mũgoocei, inyuĩ ndungata cia Jehova, mũgooce rĩĩtwa rĩa Jehova. ²Rĩĩtwa rĩa Jehova rĩrogoocwo, kuuma rĩu nginya tene na tene. ³Kuuma o irathĩro rĩa riũa nginya ithũĩro rĩarĩo, rĩĩtwa rĩa Jehova nĩrĩgoocagwo.

⁴Jehova nĩatũũgĩrĩtio igũrũ rĩa ndũrĩrĩ ciothe, riiri wake ũrĩ igũrũ rĩa igũrũ. ⁵Nũũ ũhaana ta Jehova Ngai witũ, o Ũcio ũikaragĩra gĩtĩ kĩa ũnene kũu igũrũ, ⁶o ũcio ũinamagĩrĩra arorererie maũndũ ma igũrũ o na ma thĩ?

⁷Oyaga athĩĩni na igũrũ kuuma rũkũngũ-inĩ, na agokĩria arĩa abatari, akamaruta kĩhumbu-inĩ kĩa mũhu; ⁸amaikaragia hamwe na anene, o hamwe na anene a andũ ao. ⁹Atũmaga mũtumia thaata atũũre gwake mũciĩ, agatuĩka nyina wa ciana, agakenaga. Goocai Jehova.