诗篇 3

许多人起来攻击我

¹दाऊद के एक भजन। जब ओह अपन बेटा अबसालोम करा ले भागत रिहिस। हे यहोवा, कतेक जादा हवंय मोर बईरीमन! कतेक मनखेमन मोर बिरोध म ठाढ़ होवत हें! ²बहुंते झन मोर बारे म कहत हें, “परमेसर ह ओला नइं बचाय।” ³पर हे यहोवा, तेंह मोर चारों कोति एक ढाल अस, तेंह मोर महिमा अस, अऊ तेंह मोर मुड़ ला ऊंचहा करथस। ⁴मेंह यहोवा ला जोर से पुकारथंव, अऊ ओह अपन पबितर पहाड़ ले मोला जबाब देथे। ⁵मेंह लेटथंव अऊ सुत जाथंव; मेंह फेर जागथंव, काबरकि यहोवा ह मोला संभालथे। ⁶मेंह ओ हजारों-हजार मनखेमन ले नइं डरंव, जेमन चारों कोति ले मोर ऊपर हमला करथें। ⁷हे यहोवा, उठ! हे मोर परमेसर, मोला बचा! मोर जम्मो बईरीमन के जबड़ा म मार; अऊ दुस्टमन के दांत ला टोर दे। ⁸छुटकारा यहोवा ही देथे। हे यहोवा, तोर आसीस तोर मनखेमन ऊपर होवय।