历代志上 24
祭司的二十四班
1हारून के संतानमन के दल येमन रिहिन: हारून के बेटामन नादाब, अबीहू, एलिआजर अऊ ईतामार रिहिन। 2पर नादाब अऊ अबीहू अपन ददा के मरे के पहिली मर गीन, अऊ ओमन के कोनो बेटा नइं रिहिन; एकरसेति एलिआजर अऊ ईतामार पुरोहित के रूप म सेवा करिन। 3एलिआजर के एक संतान सादोक अऊ ईतामार के एक संतान अहीमेलेक के मदद ले, दाऊद ह ओमन ला ओमन के सेवा के पद के मुताबिक दल-दल करके बांट दीस। 4एलिआजर के संतान म ईतामार के संतान ले जादा अगुवामन पाय गीन, अऊ ओमन ला ये किसम ले बांटे गीस: एलिआजर के संतान ले परिवारमन के सोलह जन मुखिया अऊ ईतामार के संतान ले परिवारमन के आठ जन मुखिया रिहिन। 5चिट्ठी निकाले के दुवारा बिगर भेदभाव के ओमन ला दल म बांट दिये गीस, काबरकि एलिआजर अऊ ईतामार दूनों के संतानमन ले पबितर-स्थान के अधिकारी अऊ परमेसर के अधिकारी ठहिराय गे रिहिन। 6नतनेल के बेटा लेखक समायाह ह एक लेवी रिहिस, अऊ ओह ओमन के नांव राजा अऊ ये अधिकारीमन के आघू म लिख लीस: सादोक पुरोहित, अबियातार के बेटा अहीमेलेक, अऊ पुरोहित अऊ लेवीमन के परिवारमन के मुखियामन—एक परिवार एलिआजर के बंस ले अऊ एक परिवार ईतामार के बंस ले लिये गीस। 7पहिला चिट्ठी यहोयारीब के नांव, दूसरा यदायाह, 8तीसरा हारीम, चौथा सोरीम,
9पांचवां मलकियाह, छठवां मियामीन, 10सातवां हक्कोस, आठवां अबियाह, 11नौवां येहोसू, दसवां सेकनयाह, 12गियारहवां एलियासीब, बारहवां याकीम, 13तेरहवां हुपा, चौदहवां येसेबाब, 14पंदरहवां बिलगा, सोलहवां इम्मेर, 15सतरहवां हेजीर, अठारहवां हपिसेस, 16उन्नीसवां पतहियाह, बीसवां यहेजकेल,
17इक्कीसवां याकीन, बाईसवां गामूल, 18तेईसवां दलायाह, चौबीसवां माजियाह के नांव निकलिस। 19जब ओमन यहोवा के मंदिर म जावंय त येह ओमन के सेवा के ठहिराय गे पारी रिहिस अऊ येह ओमन के पुरखा हारून के दुवारा ओमन ला दिये ओ नियम के मुताबिक रिहिस, जेकर हुकूम यहोवा, इसरायल के परमेसर ह हारून ला देय रिहिस।
其余的利未人
20लेवी के बाकि बचे संतानमन: अमराम के बेटामन ले सूबाएल; सूबाएल के बेटामन ले येहदियाह। 21रहबियाह के बेटामन ले, यिसियाह ह पहिलऊठा रिहिस। 22ईसहारीमन ले: सलोमोत; सलोमोत के बेटामन ले: यहत। 23हेबरोन के बेटामन: यरियाह ह पहिलऊठा, अमरयाह ह दूसरा, यहजीएल ह तीसरा अऊ यकमाम ह चौथा रिहिस। 24उजीएल के बेटा: मीका; मीका के बेटामन ले: सामीर। 25मीका के भाई: यिसियाह; यिसियाह के बेटामन ले: जकरयाह। 26मरारी के बेटामन: महली अऊ मूसी। याजियाह के बेटा: बेनो। 27मरारी के बेटामन: याजियाह ले: बेनो, सोहम, जक्कूर अऊ इबरी।
28महली ले: एलिआजर, जेकर कोनो बेटा नइं रिहिन। 29कीस ले: कीस के बेटा: यरहमेल। 30अऊ मूसी के बेटामन: महली, एदेर अऊ यरीमोत। 31ओमन घलो अपन रिस्तेदार हारून के संतानमन सहीं दाऊद राजा अऊ सादोक, अहीमेलेक, अऊ पुरोहित अऊ लेवीमन के परिवारमन के मुखियामन के आघू म चिट्ठी निकालिन। सबले बड़े भाई के परिवारमन के संग अऊ सबले छोटे भाई के परिवारमन के संग एक समान बरताव करे गीस।