诗篇 13

耶和华啊，要到几时呢

TOTECO, ¿para nochipa tinechilcajtos? ¿Ayoc quema tinechilnamiquis? Nijmati timoixtlatía ica na quema nimitztemohua huan ax tinechchihuilía cuenta. ²¿Hasta quema nijpiyas cuesoli ipan noyolo huan noyoltzi tlaijiyohuijtinemis? ¿Hasta quema nocualancaitaca noja nechtlanis? ³Xinechtlachili huan xinechnanquili, TOTECO. ¡NoTeco Dios! Xinechmaca tlahuili para nitlachiyas ipan ni tzintlayohuilotl huan ax nimiquis.

⁴Amo xijcahuili nocualancaitaca ma quiijto nechtlanqui. Amo xinechcahuili ma nihuetzi para ma ax noca huetzcaca inijuanti tlen nechcocolíaj. ⁵Na nimotemachijtoc ipan moteicnelijcayo tlen huejcahua para nochipa. Nipaqui ipan noyolo pampa tinechmaquixtijtoc. ⁶Nihuicas para ta, TOTECO, pampa miyac tlen cuali tinechchihuilijtoc.