以赛亚书 12

我要倚靠他，并不惧怕

Bésub keroog dees na ne: «Aji Sax ji, sant naa la; yaa ma mere woon, meddi, dëfal ma.» ²Ma ne: «Yàllaa may wallu, ma dallu, duma tiit. Sama dooleek sama kaaraange mooy Ki Sax, di Aji Sax ji, te mooy sama wall.» ³Mbégte ngeen di rooteji fa wali mucc ya.

⁴Bésub keroog ngeen ne: «Santleen Aji Sax ji, tudd turam, xamley jalooreem ci biir xeet yi, fàttali màggaayu turam. ⁵Woyleen Aji Sax ji, moo kawey jëf! Na lii siiw biir àddina sépp. ⁶Yeen waa Siyoŋ, serleen te sarxolleel Ku màgg ki fi seen biir, Aji Sell ju Israayil.»