诗篇 20

有人靠车

Кіраўніку хору. Псальм Давіда. ²Няхай ГОСПАД пачуе цябе ў дзень трывогі, няхай абароніць цябе імя Бога Якубавага! ³Няхай Ён спашле табе дапамогу са сьвятыні і ўмацуе цябе з Сыёну!

⁴Няхай Ён узгадае ўсе дары твае і цэласпаленьнямі тваімі няхай насыціцца. (Сэлях) ⁵Няхай Ён дасьць табе паводле сэрца твайго і споўніць усе намеры твае, ⁶каб мы ўзрадаваліся збаўленьню твайму і ў імя Бога нашага сьцяг узьнялі. Няхай споўніць ГОСПАД усе прагненьні твае!

⁷Цяпер я ведаю, што ГОСПАД збаўляе Памазанца Свайго; Ён адкажа яму са сьвятога неба Свайго праз збаўчую магутнасьць правіцы Сваёй. ⁸Гэтыя [спадзяюцца] на калясьніцы і коней, а мы ўзгадваем імя ГОСПАДА, Бога нашага. ⁹Яны пахіснуліся і ўпалі, а мы паўсталі і стаімо проста.

¹⁰Збаў нас, ГОСПАДЗЕ, і няхай валадар пачуе нас, калі будзем клікаць!