创世记 10

列国分散各地

Вось радавод сыноў Ноя: Сэма, Хама і Яфэта. І нарадзіліся ім сыны пасьля патопу. ²Сыны Яфэта: Гамэр, Магог, Мадай, Яван, Туваль, Мэшэх і Тырас. ³Сыны Гамэра: Ашкеназ, Рыфат і Тагарма.

⁴Сыны Явана: Эліша i Таршыш, Кіттым і Даданім. ⁵Ад іх паходзяць астравы народаў у землях іхніх, кожны паводле мовы сваёй і паводле плямёнаў сваіх, у народах сваіх. ⁶Сыны Хама: Куш, Міцраім, Пут i Ханаан.

⁷Сыны Куша: Сэва, Хавіля, Саўта, Раама i Саўтэха. Сыны Раамы: Шэва і Дэдан. ⁸А Куш нарадзіў Німрода. Ён пачаў быць волатам на зямлі. ⁹Ён быў магутны паляўнічы перад абліччам ГОСПАДА. Таму кажуць: «Як Німрод, магутны паляўнічы перад абліччам ГОСПАДА».

¹⁰І пачаткам валадараньня яго былі Бабілон, Эрэх, Акад і Кальнэ ў зямлі Шынаар. ¹¹З той зямлі выйшаў Ашур і пабудаваў Нініву, Рэхавот-Ір, Калях ¹²і Рэсэн, вялікі горад між Нінівай і Каляхам.

¹³А Міцраім нарадзіў Людыма, Анаміма, Легавіма, Нафтухіма, ¹⁴Патрусіма і Касьлюхіма, ад якіх паходзяць Філістынцы, і Кафторыма. ¹⁵А Ханаан нарадзіў Сідона, першароднага свайго, і Хета, ¹⁶Евусэя, Амарэя, Гіргашэя, ¹⁷Хівея, Аркея, Сінэя, ¹⁸Арвадэя, Цэмарэя і Хаматэя; а пасьля расьсеяліся плямёны Хананейскія.

¹⁹І была мяжа Хананейцаў ад Сідону ў накірунку Герару аж да Газы, а ў накірунку Садома і Гаморы, Адмы і Цэвоіма — аж да Ляшы. ²⁰Гэта сыны Хама паводле плямёнаў сваіх, паводле моваў сваіх, у землях сваіх і ў народах сваіх. ²¹А Сэм, бацька ўсіх сыноў Эвэра, старэйшы брат Яфэта, нарадзіў [сыноў].

²²Сыны Сэма: Элям, Ашур, Арпахшад, Люд і Арам. ²³Сыны Арама: Уц, Хуль, Гетэр і Маш. ²⁴А Арпахшад нарадзіў Шэляха, а Шэлях нарадзіў Эвэра.

²⁵А ў Эвэра нарадзіліся два сыны: аднаго імя Пэлег, таму што ў дні ягоныя разьдзялілася зямля, а імя брата ягонага — Ёктан. ²⁶Ёктан нарадзіў Альмадада, Шалефа, Хацармавэта, Яраха, ²⁷Гадарама, Узаля, Дыклю, ²⁸Аваля, Авімаэля, Шэву, ²⁹Афіра, Хавіля і Ёвава. Гэтыя ўсе — сыны Ёктана.

³⁰Месца іх пражываньня было ад Мэшы ў накірунку Сэфару на ўсход. ³¹Гэта сыны Сэма паводле плямёнаў сваіх, паводле моваў сваіх, у землях сваіх і ў народах сваіх. ³²Гэта вось плямёны сыноў Ноя паводле радаводаў у народах сваіх. Ад іх распаўсюдзiліся народы на зямлі пасьля патопу.