Salmi 76

Dio è conosciuto in Giuda

Ki te tino kaiwhakatangi: Nekinoto. He hīmene, he waiata nā Āhapa. E mātauria ana te Atua i roto i a Hūrā, he nui tōna ingoa i roto i a Īharaira. ²Kei Harema hoki tōna tapenākara; kei Hiona tōna nohoanga. ³I whati i a ia i reira ngā pere o te kōpere, te whakangungu rākau, te hoari, me ngā mea mō te whawhai. Hera ⁴Tērā atu tōu korōria, tōu nui, i tō ngā maunga kīrehe.

⁵Kua pāhuatia te hunga ngākau toa, moe ana rātou i tā rātou moe; kīhai anō i whai ringa tētahi o ngā mārohirohi. ⁶Nā tāu whakatūpehupehu, e te Atua o Hākopa, i parangia ai te hāriata me te hōiho e te moe. ⁷Ko koe, inā, ko koe e wehingia; ko wai hoki e tū ki tōu aroaro ina riri koe?

⁸Nāu i rangona iho ai te whakawā i te rangi; wehi ana te whenua, whakaririka kau ana, ⁹i te aranga ake o te Atua ki te whakawā, ki te whakaora i te hunga māhaki katoa o te whenua. Hera ¹⁰He pono ka whai korōria koe i te riri o te tangata; mau anō e whītiki te toenga o te riri.

¹¹Whakapuakina te kupu taurangi ki a Ihowā, ki tō koutou Atua, whakamanā hoki; e te hunga katoa i tētahi taha ōna, i tētahi taha, mauria he hākari ki a ia, ka tika hoki te wehi ki a ia. ¹²Māna e poro atu te wairua o ngā rangatira; e matakuria ana ia e ngā kīngi o te whenua.