Salmi 20

Alcuni confidano nei carri

Ki te tino kaiwhakatangi. He hīmene nā Rāwiri. Mā Ihowā e whakahoki he kupu ki a koe i te rā o te hē; mā te ingoa o te Atua o Hākopa koe e tiaki. ²Māna e tono mai he āwhina mōu i te wāhi tapu, e whakaū hoki koe i Hiona. ³Māna e mahara ki āu whakahere katoa, e manako ki āu tahunga tinana. Hera ⁴Māna e hōmai ki a koe tā tōu ngākau e mea ai, e whakamana katoa hoki tāu e wawata ai.

⁵Ka hari mātou ki tāu whakaoranga, ka whakatū hoki i ō mātou kara i runga i te ingoa o tō mātou Atua. Mā Ihowā e whakarite āu īnoi katoa. ⁶Kātahi ahau ka mātau e whakaora ana a Ihowā i tāna tangata i whakawahi ai, ka whakahoki kupu ia ki a ia i tōna rangi tapu, me te kaha anō tōna ringa matau ki te whakaora. ⁷Ko tā ētahi he hāriata, ko tā ētahi he hōiho; ko tātou ia ka whakahua i te ingoa o Ihowā, o tō tātou Atua.

⁸Kua piko rātou, kua hinga ko tātou ia kua ara, kua tū ki runga. ⁹Whakaorangia, e Ihowā; kia whakahoki kupu mai te Kīngi ina karanga mātou.