Salmi 114

Quando Israele uscì dall'Egitto

I te putanga mai o Īharaira i Īhipa, o te whare o Hākopa i te iwi reo kē, ²ko Hūrā tōna wāhi tapu, ko Īharaira tōna rangatiratanga. ³I kite te moana, ā, whati ana; i whakahokia ki muri a Horano.

⁴Pekepeke ana ngā maunga ānō he hipi toa, ngā pukepuke ānō he reme. ⁵I ahatia koe, e te moana, i whati ai koe e Horano, i whakahokia ai koe ki muri? ⁶E ngā maunga, i pekepeke ai koutou ānō he hipi toa, e ngā pukepuke, ānō he reme?

⁷E wiri, e te whenua, i te aroaro o te Ariki, i te aroaro o te Atua o Hākopa, ⁸i meinga ai te toka, hei hōpua wai, te kiripaka hei puna wai.