Salmi 112

Beato l'uomo che teme il Signore

Whakamoemititia a Ihowā! Ka hari te tangata e wehi ana i a Ihowā, e aro nui ana ki āna whakahau. ²Ka nui ōna uri ki runga ki te whenua; ka manaakitia te whakatupuranga o te hunga tika. ³Kei tōna whare te rawa, te taonga; ka pūmau tonu tōna tika, ake ake.

⁴Ka maea ake te mārama i roto i te pōuri ki te hunga tika; he atawhai ia, he aroha, he tika. ⁵He pono ka whiwhi painga te tangata he atawhai, he ohaoha tāna mahi; ka ū āna kupu i te whakawākanga. ⁶E kore hoki ia e whakangāueuetia ake ake; ka maharatia tonutia te tangata tika ake ake.

⁷E kore ia e mataku i te rongo kino; e ū ana tōna ngākau, e whakawhirinaki ana ki a Ihowā. ⁸Ka ū tōna ngākau, e kore ia e wehi; kia kite rā anō ia i tāna i hiahia ai ki ōna hoariri. ⁹Kua tuwhaina e ia, kua hoatu ki te hunga rawakore; pūmau tonu tōna tika ake ake; ka ara tōna haona i runga i te korōria.

¹⁰Ka kite te tangata kino, ā, ka pōuri; ka pakiri ōna niho, memeha iho; pirau iho te hiahia o te hunga kino.