Salmi 1

L'albero piantato presso il fiume

Ka hari te tangata kāhore nei, e haere i te whakaaro o te tangata kino, ā, kāhore e tū i te ara o te hunga hara, kāhore anō e noho i te nohoanga o te hunga whakahī. ²Engari ko te Ture a Ihowā tāna e whakaahuareka ai; kei tōna ture ōna whakaaro i te ao, i te pō. ³E rite hoki ia ki te rākau i whakatōkia ki te taha o ngā awa wai, e whai hua nei i te pō e hua ai; e kore tōna rau e memenge; ā, ka pono āna mea katoa e mea ai ia.

⁴E kore e pērā ngā tāngata kino; engari, ka rite ki te pāpapa e āia ana e te hau. ⁵Āe rā, e kore e tū te hunga kino i te whakawākanga, me te hunga hara i te whakaminenga o te hunga tika. ⁶E mātau ana hoki a Ihowā ki te ara o te hunga tika; ko te ara ia o te hunga kino e ngaro.