Salmi 148

Lo lodino il cielo e la terra

Monkamfo Awurade! Monkamfo Awurade mfi ɔsorosoro, monkamfo no wɔ ɔsoro sorɔnsorɔmmea. ²Nʼabɔfo nyinaa, monkamfo no, ne ɔsoro asafo nyinaa, monkamfo no. ³Owia ne ɔsram, monkamfo no, nsoromma a ɛhyerɛn nyinaa, monkamfo no.

⁴Monkamfo no, ɔsoro mu soro ne mo nsu a mowɔ ɔsoro atifi. ⁵Momma wɔn nyinaa nkamfo Awurade din, efisɛ ɔno na ɔhyɛ ma wɔbɔɔ wɔn. ⁶Ɔde wɔn sisii hɔ afebɔɔ; na ɔmaa ɔhyɛ nsɛm bi a ɛrentwa mu da.

⁷Monkamfo Awurade mfi asase so, mo po kɛse mu abɔde ne po bun nyinaa, ⁸anyinam ne mparuwbo, sukyerɛmma ne omununkum, ahum a moyɛ nʼapɛde, ⁹mo mmepɔw ne nkoko nyinaa, nnua a ɛsow aba ne sida nyinaa, ¹⁰nwura mu mmoa ne anantwi, abɔde nketewa ne nnomaa a wotu, ¹¹asase ne amanaman nyinaa so ahemfo, mo mmapɔmma ne asase sodifo nyinaa, ¹²mmerante ne mmabaa, mmasiriwa ne mmofra nso.

¹³Ma wɔnkamfo Awurade din, na ne din so sen din biara; nʼanuonyam korɔn wɔ asase ne ɔsoro so. ¹⁴Wapagyaw mmɛn bi ama ne nkurɔfo, nʼahotewfo nyinaa nkamfo; Israelfo, nnipa a wɔda ne koma so no nkamfo. Monkamfo Awurade.