Salmi 132

Il giuramento fatto a Davide

Faarfannaa ol baʼuu. Yaa Waaqayyo, Daawitii fi rakkina inni obse hundumaa yaadadhu. ²Inni kakuu tokko Waaqayyoof kakatee Waaqa Yaaqoob Jabaa sanaaf akkana jedhee wareege: ³“Ani mana koo ol hin seenu; yookaan siree kootti ol hin baʼu.

⁴Ani ija kootiif hirriba, baallee ija kootiitiif immoo mugaatii hin eeyyamu; ⁵kunis hamma ani Waaqayyoof iddoo argutti, Waaqa Yaaqoob Jabaa sanaaf iddoo jireenyaa argutti.” ⁶Kunoo, Efraataatti waaʼee isaa dhageenye; Yaaʼaarittis isa arganne: ⁷“Kottaa iddoo jireenya isaa dhaqnaa; ejjeta miilla isaa jalattis kufnee waaqeffannaa.

⁸‘Yaa Waaqayyo kaʼiitii, gara iddoo boqonnaa keetii kottu; atii fi taabonni jabina keetiis kottaa. ⁹Luboonni kee qajeelummaa haa uffatan; qulqulloonni kees gammachuudhaan haa faarfatan.’ ” ¹⁰Sababii garbicha kee Daawitiif jedhiitii, dibamaa kee hin gatin.

¹¹Waaqayyo akkana jedhee kakuu dhugaa tokko Daawitiif kakateera; inni kakuu kana irraa duubatti hin deebiʼu: “Ani ilmaan kee keessaa isa tokko teessoo kee irra nan teessisa; ¹²yoo ilmaan kee kakuu koo fi seera ani isaan barsiisu eegan, ilmaan isaaniis akkasuma bara baraa hamma bara baraatti teessoo kee irra ni taaʼu.” ¹³Waaqayyo Xiyoonin filateeraatii; akka isheen iddoo jireenya isaa taatus fedhee akkana jedheera: ¹⁴“Kun bara baraa hamma bara baraatti iddoo jireenyaa koo ti; kanas ani waanan fedheef, as nan jiraadha.

¹⁵Ani waan hundaan ishee nan eebbisa; hiyyeeyyii ishee illee buddeena nan quubsa. ¹⁶Luboota isheetti fayyina nan uffisa; qulqulloonni ishees gammachuudhaan ni faarfatu. ¹⁷“Ani achitti akka gaanfi tokko Daawitiif biqilu nan godha; dibamaa koofis ibsaa qopheesseera.

¹⁸Diinota isaatti qaanii nan uffisa; gonfoon mataa isaa irraa garuu ni ifa.”