Salmi 124

Se il Signore non fosse stato per noi

Salimo la Davide. Nyimbo yoyimba pokwera ku Yerusalemu. Akanapanda kukhala mbali yathu Yehova, anene tsono Israeli, ²akanapanda kukhala mbali yathu Yehova, potiwukira anthuwo, ³iwo atatipsera mtima, akanatimeza amoyo; ⁴chigumula chikanatimiza, mtsinje ukanatikokolola, ⁵madzi a mkokomo akanatikokolola.

⁶Atamandike Yehova, amene sanalole kuti tikhale chakudya cha mano awo. ⁷Moyo wathu wawonjoka ngati mbalame yokodwa mu msampha wa mlenje; msampha wathyoka, ndipo ife tapulumuka. ⁸Thandizo lathu lili mʼdzina la Yehova wolenga kumwamba ndi dziko lapansi.