Salmi 67

Ti lodino i popoli

Kuom jatend wer. Gik miwergo man-gi tondegi. Zaburi. Wer. Mad Nyasaye timnwa ngʼwono kendo owinjwa; mad omi wangʼe rienynwa maber, Sela ²mondo yoreni ongʼere e piny, kendo ogendini duto oyud warruokne. ³Mad ji paki, yaye Nyasaye; mad ji duto opaki.

⁴Mad ogendini obed mamor kendo ower gi ilo, nikech irito ji gi ratiro, kendo itayo ogendini mag piny. Sela ⁵Mad ji paki, yaye Nyasaye; mad ji duto opaki. ⁶Eka piny biro chiego cham kaka owinjore kendo Nyasaye, ma Nyasachwa, biro gwedhowa.

⁷Nyasaye biro gwedhowa, kendo piny duto koni gi koni biro luore.