Salmi 67

Ti lodino i popoli

¹संगीत निरदेसक बर। तारवाले बाजा के संग। एक भजन। एक गीत। परमेसर ह हमर ऊपर अनुग्रह करय अऊ हमन ला आसीस देवय अऊ अपन मुहूं के अंजोर हमर ऊपर चमकावय— ²ताकि धरती म तोर ईछा, अऊ जम्मो जाति म तोर उद्धार के पता चलय। ³हे परमेसर, मनखेमन तोर परसंसा करंय; जम्मो मनखेमन तोर परसंसा करंय। ⁴देस-देस के मनखेमन खुसी मनांय अऊ आनंद के गीत गावंय, काबरकि तें मनखेमन ऊपर बिगर पखियपात के सासन करथस अऊ धरती के देस-देस के मनखेमन के अगुवई करथस। ⁵हे परमेसर, मनखेमन तोर परसंसा करंय; जम्मो मनखेमन तोर परसंसा करंय। ⁶भुइयां ह अपन फसल देथे; परमेसर, हमर परमेसर हमन ला आसीस देथे। ⁷परमेसर हमन ला अऊ आसीस देवय, ताकि धरती के जम्मो छोर तक मनखेमन ओकर भय मानंय।