Salmi 6

Non punirmi nella tua ira

¹संगीत के निरदेसक बर। तारवाले बाजामन के संग। सेमिनित के मुताबिक। दाऊद के एक भजन। हे यहोवा, अपन गुस्सा म मोला झन फटकार या अपन कोप म मोर ताड़ना झन कर। ²हे यहोवा मोर ऊपर दया कर, काबरकि मेंह दुरबल हो गे हंव; हे यहोवा, मोर बेमारी ला बने कर दे, काबरकि मोर हाड़ामन म पीरा हवय। ³मोर परान ह अब्बड़ पीरा म हवय। हे यहोवा, कब तक, कब तक ठहिरे रहिबे?

⁴हे यहोवा, किंदरके मोला छुड़ा; अपन बहुंते मया के कारन मोला बचा। ⁵मरे मनखेमन के बीच कोनो तोर नांव के परचार नइं करंय। कबर ले कोन ह तोर इस्तुति करथे? ⁶मेंह कराहत-कराहत थक गे हंव। पूरा रथिया रोवत-रोवत मोर दसना ह भीग जाथे अऊ मोर आंसू ले मोर पलंग ह भीग जाथे। ⁷मोर आंखीमन दुख के मारे कमजोर होवत हें; मोर जम्मो बईरीमन के कारन ओमन धुंधला गे हवंय। ⁸हे जम्मो दुस्ट काम करइयामन, मोर ले दूरिहा हटव, काबरकि यहोवा ह मोर रोये के अवाज ला सुने हवय। ⁹यहोवा ह दया बर मोर रोवई ला सुने हवय; यहोवा ह मोर पराथना ला गरहन करथे। ¹⁰मोर जम्मो बईरीमन लाज अऊ पीरा के मारे घबराहीं; ओमन पाछू मुड़हीं अऊ अचानक लज्जित होहीं।