Salmi 54

Dio è il mio aiuto

¹संगीत के निरदेसक बर। तारवाले बाजामन के संग। दाऊद के एक मसकील। जब जीपीमन साऊल करा जाके कहिन, “का दाऊद ह हमर बीच म नइं छिपे हे?” हे परमेसर, अपन नांव के दुवारा मोर उद्धार कर; अपन सक्ति के दुवारा मोला सही साबित कर। ²हे परमेसर, मोर पराथना ला सुन; मोर मुहूं के बात ऊपर धियान दे। ³घमंडी बईरीमन मोर ऊपर हमला करत हवंय; निरदयी मनखेमन मोला मार डारे के कोसिस करत हवंय— ओ मनखे, जेमन के मन म परमेसर बर कोनो आदर नइं ए। ⁴खचित परमेसर ह मोर मददगार ए; परभू ही मोला संभालथे। ⁵ओमन के निन्दा होवय, जऊन मन मोर निन्दा करथें; हे परमेसर, अपन बिसवासयोग्यता म ओमन ला नास कर दे। ⁶मेंह तोला एक स्वेच्छा-बलिदान चघाहूं; हे यहोवा, मेंह तोर नांव के परसंसा करहूं, काबरकि येह बने ए। ⁷तेंह मोला मोर जम्मो समस्या ले छुटकारा दे हस, अऊ मोर आंखी ह मोर बईरीमन ऊपर बिजय ला देखे हवय।