Salmi 124

Se il Signore non fosse stato per noi

¹आरोहन के एक गीत। दाऊद के गीत। कहूं यहोवा ह हमर कोति नइं होतिस— त इसरायल ह कहय— ²कहूं यहोवा ह हमर कोति नइं होतिस जब मनखेमन हमर ऊपर हमला करिन, ³त ओमन हमन ला जीयत लील ले रहितिन जब ओमन के गुस्सा हमर ऊपर भड़किस; ⁴बाढ़ के पानी म हमन बुड़ गे रहितेंन, पानी के बहाव म हमन बह गे रहितेंन, ⁵भयंकर पानी के धारा ह हमन ला बहाके ले गे रहितिस। ⁶यहोवा के परसंसा होवय, जऊन ह हमन ला ओमन के दांत के दुवारा फाड़े जाय ले बचाय हवय। ⁷हमन चिड़ीमार के जाल ले बचे एक चिरई के सहीं अन; जाल ह फट गे हवय, अऊ हमन बच गे हवन। ⁸हमर मदद यहोवा के नांव म होथे, जऊन ह अकास अऊ धरती ला बनाय हवय।