Salmi 114

Quando Israele uscì dall'Egitto

Ang mga Israelinhon nga kaliwat ni Jacob nagaestar sadto sa Egypt, nga sa diin lain ang lingguahe sang mga tawo didto. ²[Sang nagguwa na sila sa Egypt,] ginhimo sang Dios ang Juda nga iya balaan nga lugar, kag gindumalahan niya ang Israel. ³Ang [Mapula nga] Dagat [naghawa nga daw sa] nagpalagyo [nga tawo]. Ang tubig sang [Suba sang] Jordan [daw sa tawo nga] nag-isol.

⁴[Nag-uyog] ang mga bukid [nga] daw sa nagalukso nga mga kanding kag mga karnero. ⁵Ngaa naghawa ang [Mapula nga] Dagat kag daw sa nag-isol ang tubig sang [Suba sang] Jordan? ⁶Ngaa [nag-uyog] ang mga bukid nga daw sa nagalukso nga mga kanding kag mga karnero?

⁷Nagatay-og ang kalibutan sa presensya sang Ginoo nga Dios ni Jacob, ⁸nga naghimo sang matig-a nga bato nga mangin punong sang tubig kag mangin tuburan nga nagailig.