Salmi 82

Dio giudica in mezzo ai giudici

Zabura ta Asaf. Allah yana shugabanta cikin babban taro; yakan zartar da hukunci a cikin “alloli”. ²“Har yaushe za ku kāre marasa adalci ku kuma goyi bayan mugaye? Sela ³Ku tsare mutuncin marasa ƙarfi da marayu; ku kāre hakkin matalauta da waɗanda ake danniya.

⁴Ku ceci marasa ƙarfi da masu bukata; ku kuɓutar da su daga hannun mugaye. ⁵“Ba su san kome ba, ba su fahimci kome ba. Suna yawo cikin duhu; an girgiza dukan tussan duniya. ⁶“Na ce, ‘Ku “alloli” ne; dukanku ’ya’yan Mafi Ɗaukaka’ ne.

⁷Amma za ku mutu kamar mutum kurum; za ku fāɗi kamar duk wani mai mulki.” ⁸Ka tashi, ya Allah, ka shari’anta duniya, gama dukan al’ummai gādonka ne.