Giobbe 40

Mi metto la mano sulla bocca

Miingon pa gayod ang Ginoo kang Job, ²“Makiglalis ka ba sa Makagagahom nga Dios? Buot mo bang ipasabot nga sayop ako. Karon, tubaga ako.” ³Busa mitubag si Job sa Ginoo, ⁴“Dili ako takos nga motubag kanimo. Unsay may akong itubag? Maghilom na lang ako.

⁵Daghan na akog nasulti. Dili na ako magpadayon pa pagsulti.”

Guarda Behemot

⁶Unya miingon pag-usab ang Ginoo kang Job gikan sa buhawi, ⁷“Andama ang imong kaugalingon, ug tubaga ang akong mga pangutana. ⁸“Gusto mo bang pamatud-an nga dili ako matarong aron mogawas nga ikaw ang matarong?

⁹Gamhanan ka ba sama sa Dios? Makapadahunog ka ba sa imong tingog sama kaniya? ¹⁰Kon makahimo ka niana, ipakita ang imong pagkagamhanan, pagkahalangdon, ug pagkadungganon. ¹¹Ipagawas ang imong kapungot sa mga garboso pinaagi sa pagpaubos mo kanila. Ug dugmoka ang mga daotan sa ilang gitindogan.

¹²Taboni silang tanan ug yuta, sa dapit sa mga patay. ¹³Kon mahimo mo kana, ako mismo ang modayeg kanimo, ug dawaton ko nga aduna kay katakos sa pagluwas sa imong kaugalingon. ¹⁴“Tan-awa ang mananap nga Behemot. Managsama kamo nga akong binuhat. Mokaon ra kini ug sagbot sama sa baka, ¹⁵apan kusgan kaayo. Ang lawas niini labihan kalig-on.

¹⁶Ang iyang ikog sama kagahi sa kahoyng sedro, ug dagko kinig mga paa. ¹⁷Ang iyang mga bukog sama kagahi sa tubo nga bronsi o kabilya. ¹⁸Kahibulongan siya sa tanang binuhat sa Dios, apan ako nga nagbuhat kaniya makapildi kaniya.

¹⁹Manabsab kini sa mga bukid diin nagdula ang mga ihalas nga mananap. ²⁰Maghapa kini ilalom sa tanom nga lutos, nga magpahipi sa mga bugang. ²¹Ang mga tanom nga lutos ug uban pang mga tanom sa daplin sa sapa maoy iyang silonganan.

²²Dili siya mahadlok sa sulog sa suba. Daw wala lang kaniya ang tubig sa Suba sa Jordan nga halos molapaw na kaniya. ²³Kinsay makadakop kaniya pinaagi sa pagbuta kaniya? Kinsay makatuhog sa iyang ilong pinaagi sa lit-ag?