Esdra 10

C'è ancora speranza

Samtang nagluhod si Ezra didto sa atubangan sa balay sa Dios nga naghilak ug samtang nag-ampo siya ug nagsulti sa mga sala sa katawhan sa Israel, daghang mga Israelinhon nga lalaki, babaye, ug mga kabataan ang nagtigom libot kaniya. Nanghilak usab silag kusog. ²Unya miingon kaniya si Shecania nga anak ni Jehiel, nga kaliwat ni Elam, “Nakasala kami sa atong Dios tungod kay nakigminyo kami sa mga babaye nga dili Israelinhon nga nagpuyo uban kanato. Apan bisan pa niini adunay paglaom pa gihapon ang katawhan sa Israel. ³Busa karon, sundon namo ang imong tambag ug ang tambag sa uban pang nagtahod sa mga sugo sa atong Dios. Maghimo kamig kasabotan sa atong Dios nga papahawaon kining mga babaye apil ang ilang mga kabataan. Tumanon namo ang giingon sa Kasugoan.

⁴Tindog! Kay imong responsibilidad ang paggiya kanamo niining mga butanga. Lig-ona ang imong kaugalingon ug himoa ang angayng buhaton kay motabang kami kanimo.” ⁵Busa mitindog si Ezra ug gipasaad niya ang mga pangulo nga pari, ang mga Levita, ug ang tanang mga Israelinhon, nga himuon nila ang giingon ni Shecania, ug nagsaad sila.

Il popolo confessa

⁶Unya mibiya si Ezra sa balay sa Dios ug miadto sa kuwarto ni Jehohanan nga anak ni Eliashib. Ug didto, wala siya mokaon ug moinom, kay nagsubo siya tungod sa pagpakasala sa mga Israelinhon nga gikan sa pagkabihag. ⁷Nagpadalag pahibalo ang mga opisyales ug mga tigdumala sa mga Israelinhon sa tibuok Juda ug sa Jerusalem nga ang tanang nga gikan sa pagkabihag magtigom sa Jerusalem. Ug ang dili moadto sulod sa tulo ka adlaw kuhaan sa tanan niyang mga kabtangan, ug dili na ilhon nga sakop sa mga katawhan nga namalik gikan sa pagkabihag. ⁸Busa sulod sa tulo ka adlaw nagtigom ang tanang katawhan sa Juda ug Benjamin, ug nanglingkod sila didto sa dapit sa plasa sa balay sa Dios sa Jerusalem. Nahitabo kini sa ika-20 nga adlaw sa ikasiyam nga bulan. Nangurog ang mga tawo tungod sa ilang ginahisgotan ug tungod sa makusog nga ulan.

⁹Unya mitindog si Ezra nga pari ug miingon kanila, “Nakasala kamo kay nakigminyo kamo sa mga dili Israelinhon. Busa nadugangan pa gayod ang sala sa Israel. ¹⁰Karon, isulti ninyo ang inyong mga sala sa Ginoo, nga Dios sa inyong mga katigulangan, ug buhata ninyo ang iyang kabubut-on. Ilain ninyo ang inyong kaugalingon sa mga katawhan sa palibot ninyo, ug bulagi ninyo ang inyong mga asawa nga dili Israelinhon.” ¹¹Mitubag sa makusog ang tibuok katilingban, “Sakto ka gayod! Buhaton namo ang imong gisulti.

¹²Apan kini nga butang dili mahuman sa usa o duha lang ka adlaw, kay daghan kanamo ang nakahimo niining salaa. Ting-ulan pa karon, ug dili kami makaagwanta nga magpaulan dinhi sa gawas. ¹³Ang mga opisyales na lang nato ang mag-atiman niini alang sa tibuok katilingban. Unya paanhion lang dinhi ang mga naminyo ug dili Israelinhon sa gitakda nga panahon uban ang mga tigdumala ug mga hukom sa ilang mga lungsod. Himuon ta kini aron mawala na ang labihan nga kasuko sa Dios kanato tungod sa butang nga atong gihimo.” ¹⁴Walay misupak niini nga plano gawas nila ni Jonatan nga anak ni Asahel ug si Jahaz nga anak ni Tikva. Gisuportahan sila ni Meshulam ug ni Shabetai nga mga Levita.

¹⁵Kadto nga mga plano gituman sa mga namalik sa pagkabihag. Busa nagpili si Ezra nga pari ug mga lalaki nga pangulo sa mga pamilya, ug gilista ang ilang ngalan. Ug sa unang adlaw sa ikanapulo nga bulan, nanglingkod sila ug gisugdan nila ang pag-imbistigar sa mga Israelinhon nga naminyo ug mga babaye nga dili Israelinhon. Nahuman nila ang pag-imbistigar sa tanang mga kaso sa unang adlaw sa unang bulan, sa pagkasunod nga tuig. ¹⁶Mao kini ang mga lalaki nga naminyo ug mga dili Israelinhon, ug misaad sila nga bulagan nila kining ilang mga asawa: Gikan sa mga pari: si Maasea, Eliezer, Jarib, ug Gedalia, nga gikan sa pamilya ni Jeshua nga anak ni Jozadak ug sa iyang mga igsoon; ¹⁷si Hanani ug si Zebadia, nga gikan sa pamilya ni Imer;

L'elenco dei colpevoli

¹⁸si Maasea, Elias, Shemaya, Jehiel, ug Uzias, nga gikan sa pamilya ni Harim; ¹⁹si Elioenai, Maasea, Ishmael, Netanel, Jozabad, ug Eleasa, nga gikan sa pamilya ni Pashur. ²⁰Gikan sa mga Levita: si Jozabad, Shimei, Kelaya (nga gitawag usab ug Kelita), Petahia, Juda, ug si Eliezer.

²¹Gikan sa mga mag-aawit: si Eliashib. Gikan sa mga tigbalantay sa mga pultahan sa Templo: si Shalum, Telem, ug si Uri. ²²Gikan sa uban pa nga mga Israelinhon: si Ramia, Izia, Malkia, Miamin, Eleazar, Malkia, ug Benaya, nga gikan sa pamilya ni Parosh; ²³si Matania, Zacarias, Jehiel, Abdi, Jeremot, ug Elias, nga gikan sa pamilya ni Elam; ²⁴si Elioenai, Eliashib, Matania, Jeremot, Zabad, ug Aziza, nga gikan sa pamilya ni Zatu; ²⁵si Johanan, Hanania, Zabai, ug Atlai, nga gikan sa pamilya ni Bebai; ²⁶si Meshulam, Maluc, Adaya, Jashub, Sheal, ug Jeremot, nga gikan sa pamilya ni Bani; ²⁷si Adna, Kelal, Benaya, Maasea, Matania, Bezalel, Binui, ug Manases, nga gikan sa pamilya ni Pahat Moab; ²⁸si Eliezer, Ishia, Malkia, Shemaya, Simeon, Benjamin, Maluc, ug Shemaria, nga gikan sa pamilya ni Harim;

²⁹si Matenai, Matata, Zabad, Elifelet, Jeremai, Manases, ug Shimei, nga gikan sa pamilya ni Hashum; ³⁰si Maadai, Amram, Uel, Benaya, Bedia, Keluhi, Vania, Meremot, Eliashib, Matania, Matenai, Jaasu, nga gikan sa pamilya ni Bani; ³¹si Shimei, Shelemia, Natan, Adaya, Macnadebai, Shashai, Sarai, Azarel, Shelemia, Shemaria, Shalum, Amaria, ug si Jose, nga gikan sa pamilya ni Binui; ³²si Jeiel, Matitia, Zabad, Zebina, Jadai, Joel, ug Benaya, nga gikan sa pamilya ni Nebo.

³³Kini silang tanan ang naminyo ug mga babaye nga dili Israelinhon, ug ang uban kanila adunay mga anak niining mga babayhana.