Salmi 101
Camminerò con cuore integro
1༼དཱ་བིད་ཀྱི་མགུར་མ།༽ བྱམས་བརྩེ་དྲང་བདེན་མགུར་གླུ་ང་ཡིས༌ལེན། །ཀྱེ་ཀྱེ་ཡ་ཝཱེ་ཁྱེད་ལ་བསྟོད་དབྱངས༌འབུལ།། 2མཁས་མཛངས་ཐབས་ཀྱིས་སྐྱོན་བྲལ་ལམ་དུ༌སྤྱོད། །ང་རང་ནམ་ཞིག་ཡོངས་སུ་རྫོགས་འགྱུར༌རམ། །རང་གི་ཁྱིམ་དུ་གཞུང་དྲང་སེམས་ཀྱིས༌འགྲུལ།། 3ཕན་མེད་དོན་རྣམས་མིག་མདུན་འཇོག་པ༌མིན། །ཕྱིན་ལོག་རྣམས་ཀྱི་ལས་ལ་ང་རང༌སྡང༌། །དེ་དག་ང་ལ་འགོས་པར་ཡེ་མི༌བྱ།། 4གཡོ་སྒྱུའི་སེམས་ལ་ང་རང་རྒྱང་འགྱེད༌ཅིང༌། །ངན་པའི་ལས་ལ་ང་རང་ཞུགས་མི༌འགྱུར།། 5ལྐོག་ནས་རང་གི་ཁྱིམ་མཚེས་རྣམས་ལ༌ནི། །གཏམ་ངན་གཏོང་མཁན་བདག་གིས་ཚར་གཅོད༌ཅིང༌། །ཁེངས་དྲེགས་མིག་ཅན་ང་རྒྱལ་སེམས་བཅངས༌པ། །སུ་ཡང་བདག་གིས་བཟོད་པར་མི་འགྱུར༌རོ།། 6ངའི་མཉམ་ཡུལ་མི་དྲང་པོ་རྣམས་གནས༌ཕྱིར། །ང་ཡི་མིག་གིས་དེ་ཚོར་བལྟ་བར༌བྱ། །སྤྱོད་པ་སྐྱོན་བྲལ་རྣམས་ཀྱིས་ངའི་གཡོག༌བྱེད།། 7གཡོ་སྒྱུའི་སྦྱོར་བ་སྤེལ་མཁན་སུ་ཡིན༌ཡང༌། །བདག་གི་ཁྱིམ་དུ་གནས་པར་མི་བྱ༌ཞིང༌། །རྫུན་གཏམ་སྨྲ་བ་ངའི་མདུན་ཚུགས་མི༌ཐུབ།། 8ནངས་རེར་ཡུལ་གྱི་ངན་པ་ཐམས་ཅད༌འཇོམས། །ཡ་ཝཱེའི་གྲོང་ནས་སྡིག་སྤྱོད་འཕྲལ་ཕྱིར༌རོ།།