Salmi 70

Affrettati, o Dio, a liberarmi

לַמְנַצֵּחַ, לְדָוִד לְהַזְכִּיר׃ ²אֱלֹהִים לְהַצִּילֵנִי; יְהוָה, לְעֶזְרָתִי חוּשָׁה׃ ³יֵבֹשׁוּ וְיַחְפְּרוּ מְבַקְשֵׁי נַפְשִׁי יִסֹּגוּ אָחוֹר וְיִכָּלְמוּ; חֲפֵצֵי, רָעָתִי׃ ⁴יָשׁוּבוּ עַל־עֵקֶב בָּשְׁתָּם; הָאֹמְרִים, הֶאָח הֶאָח׃ ⁵יָשִׂישׂוּ וְיִשְׂמְחוּ בְּךָ, כָּל־מְבַקְשֶׁיךָ וְיֹאמְרוּ תָמִיד יִגְדַּל אֱלֹהִים; אֹהֲבֵי, יְשׁוּעָתֶךָ׃ ⁶וַאֲנִי עָנִי וְאֶבְיוֹן אֱלֹהִים חוּשָׁה־לִּי עֶזְרִי וּמְפַלְטִי אַתָּה; יְהוָה, אַל־תְּאַחַר׃