Salmi 41

Beato chi ha cura del povero

Pou direktè koral la; Yon Sòm David A la beni sila ki konsidere ka malere a beni! SENYÈ a va delivre li nan jou twoub li. ²SENYÈ a va pwoteje li e fè l viv. Li va rele beni sou latè a. Ni li p ap livre a volonte lènmi li yo. ³SENYÈ a va bay li soutyen lè l malad sou kabann nan. Nan maladi li, li va restore li a lasante.

⁴Konsa, pou mwen, mwen te di: “O SENYÈ, fè m gras. Geri nanm mwen paske mwen te peche kont Ou.” ⁵Lènmi m yo pale mal kont mwen: “Kilè l ap mouri pou non li disparèt?” ⁶Si li vin wè m, li bay manti. Kè li ranmase mechanste pou kont li. Lè l sòti deyò, li pale sa.

⁷Tout sila ki rayi mwen yo soufle ti pawòl nan zòrèy youn lòt. Kont mwen, yo fè plan pou donmaje mwen epi yo di: ⁸“Yon bagay mechan gen tan pran l, pou lè l kouche, pou l pa leve ankò.” ⁹Menm zanmi ki te pre m nan, nan sila mwen te mete konfyans la, li ki te manje pen mwen an, te leve talon li kont mwen.

¹⁰Men Ou menm, O SENYÈ, fè m gras e fè m leve pou m kab bay yo rekonpans yo. ¹¹Se konsa mwen konnen ke Ou pran plezi nan mwen. Akoz lènmi mwen an pa kriye viktwa sou mwen. ¹²Pou mwen menm, Ou soutni mwen nan entegrite m, epi Ou mete mwen nan prezans Ou jis pou tout tan.

¹³Beni se SENYÈ a, Bondye Israël la, soti pou tout tan, jis rive pou tout tan. Amen e amen.